Ռուս աղջիկը «Օդնոկլասնիկի»-ով հրապուրել է հայ և ոչ սլավոնական արտաքինով այլ մարդականց և ժամադրել մի վայրում, որտեղ նրանց վրա հարձակվել է դեռահասների խումբ և ծեծի ենթարկել (լուսանկարներ)

ՌԴ Կալուգայի մարզում ձերբակալվել է 10 դեռահաս, ովքեր հարձակվել են միգրանտների վրա։

Խումբը կեղծ ժամադրություններ է կազմակերպել ոչ սլավոնական արտաքինով մարդկանց հետ, և երբ հանդիպել են` մի խումբ մարդիկ ծեծել են նրանց՝ նկարահանելով։

Նախնական տվյալներով՝ հանցախումբը բաղկացած է եղել 10 հոգուց՝ 9 տղա և մեկ աղջիկ։ Խմբի ղեկավարներն են եղել տեղի դպրոցի 16-ամյա աշակերտ Սերգեյ Զ.-ն և բազմամասնագիտական ​​տեխնիկումի 16-ամյա աշակերտ Արտյոմ Ֆ.-ն։

Ըստ քննիչների՝ հենց այս երկու տղաներն են ստեղծել հանցախումբ, որի նպատակն է եղել «ֆիզիկական վերացումը՝ ոչ սլավոնական ծագում ունեցող անձանց»: Շուտով նրանց միացել է ևս 7 տղա, ինչպես նաև մեկ աղջիկ՝ 14-ամյա Ալեքսանդրա Ս.-ն։ Նա պետք է նամակագրության մեջ մտներ միգրանտների հետ Odnoklassniki-ով՝ այդ մարդկանց հրապուրելով ու հանդիպման կանչելով:

Եթե ​​տղամարդը համաձայնել է ու եկել, ապա նրան տեղում արդեն մի քանի հոգի են սպասել, որոնք դաժան ծեծի են ենթարկել, իսկ ծեծի տեսագրությունը տեղադրել են համացանցում։

Տեսանյութը տարածելու համար հատուկ ստեղծվել է երկու տելեգրամյան ալիք։ Հետաքննության տվյալներով՝ վեց ամսվա ընթացքում իրականացվել է առնվազն 8 հարձակում։ Զոհերի թվում կան Ուզբեկստանի, Տաջիկստանի և Հայաստանի քաղաքացիներ։

Բանդայի բոլոր անդամներն այժմ ձերբակալված են։ Խուզարկությունների ընթացքում նրանցից առգրավվել են դանակներ, ատրճանակներ, ինքնաշեն պայթուցիկներ պատրաստելու հրահանգներ, ինչպես նաև Աջ սեկտորի խորհրդանիշներ (Ռուսաստանում ահաբեկչական ճանաչված և արգելված): Ձերբակալվածների նկատմամբ գործեր են հարուցվել ՌԴ ՔՕ 282.1 հոդվածով (ծայրահեղական համայնքի կազմակերպում)։