Փաշինյանը մոտ ապագայում Ադրբեջանի հետ խաղաղության համաձայնագրի ստորագրումը իրատեսական է համարում
Ավտոճանապարհները, որոնք կարող են ունենալ հյուսիսային ուղի, միջին ուղի և հարվային ուղի, նոր հնարավորություններ կբացեն մեր տարածաշրջանի համար։ Այս մասին «Դեպի ծով ելք չունեցող զարգացող երկրների նախարարական հանդիպման» ժամանակ հայտարարեց Նիկոլ Փաշինյանը։
«Հայաստանը Խաղաղության խաչմերուկի միջոցով կարող է կապվել և կապել այլ երկրները հյուսիս-հարավ առանցքով և արևելք-արևմուտք առանցքով»,- ասաց նա։
Փաշինյանը նշեց, որ Հայաստանը նույն պատրաստակամությունը ցուցաբերում է նաև Հայաստան-Թուրքիա երկաթուղին բացելու, ինչպես նաև Հայաստան-Թուրքիա նախկինում գոյություն ունեցած երկու ավտոճանապարհները վերակառուցելու և վերաբացելու առումով։
«Բոլոր ենթակառուցվածքները, ներառյալ ճանապարհները, երկաթուղիները, օդային ուղիները պետք է գործեն այն երկրների իրավազորության և սուվերենության ներքո, որոնց տարածքով անցնում են»,-ասաց Փաշինյանը։
Նա նշեց, որ թեև տրանսպորտային կոմունիկացիաները մենք դիտարկում ենք մարդկանց և բեռներ տեղափոխելու տեսանկյունից, սակայն, վերջին շրջանում, ըստ Փաշինյանի, այն դարձել է կարևոր նաև տարածաշրջանային անվտանգության ու խաղաղության պահպանման պահանջմունքի տեսանկյունից։
«Մեր համոզմունքն այն է, որ խաղաղությունն առաջին հերթին ժողովուրդների տնտեսական և մշակութային կապերի առկայությունն է և հաղորդակցությունը, որը չի կարող տեղի ունենալ առանց կոմունիկացիաները բացելու»,- ասաց Փաշինյանը։
Այս ենթատեքստում, նա կարևոր համարեց տարածաշրջանում Ադրբեջանի և Թուրքիայի հետ կոմունիկացիաների բացումը՝ հայտարարելով, որ 30 տարի դրանք փակ են եղել։ Փաշինյանը հույս հայտնեց, որ «Խաղաղության խաչմերուկ» նախագիծը կընդլայնի և Հայաստանի, և Ադրբեջանի հնարավորությունները դեպի ծով ելքի։
«Այս ամենը հնարավոր է, երբ Հայաստանի և Ադրբեջանի միջև հաստատվի խաղաղություն: Հիմնական հարցը, որ հնչում է՝ ինչքանով է հնարավոր խաղաղությունը և ինչ սկզբունքների շրջանակներում այն պետք է տեղի ունենա»,- ասաց նա և նկատեց, որ շատ իրատեսական է համարում մոտ ապագայում Ադրբեջանի հետ խաղաղության համաձայնագրի ստորագրումը, եթե Բաքուն հաստատի երկու երկրների ղեկավարների միջև արդեն համաձայնեցված սկզբունքները։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
