Ռոստովի պետական համալսարանի գերազանցիկ, նորանշանակ ԱԱԾ տնօրենի ունեցվածքը

Ազգային անվտանգության ծառայության նախկին պետ 70-ամյա Գորիկ Հակոբյանին, ով այս ոլորտում 45 տարվա փորձ ուներ, որից 12-ը պաշտոնավարում էր որպես ծառայության պետ` փոխարինել է 34-ամյա Գեորգի Կուտոյանը: 2011 թ.-ին ստանձնել է ՀՀ նախագահի օգնականի պաշտոնը, իսկ օրեր առաջ նախագահի հրամանով նշանակվել էր գլխավոր դատախազի տեղակալ:

Ծնվել է 1981թ-ի սեպտեմբերի 30-ին` Երևանում:

2002թ. գերազանցությամբ ավարտել է Ռուսաստանի Դաշնության Ռոստովի պետական համալսարանի իրավագիտության ֆակուլտետը:
2005թ. ավարտել է Հայաստանի Հանրապետության գիտությունների ազգային ակադեմիայի փիլիսոփայության և իրավունքի ինստիտուտի ասպիրանտուրան, պաշտպանել է թեկնածուական ատենախոսություն: 2007թ. ավարտել է Ամերիկայի Միացյալ Նահանգների Ֆլետչերի իրավունքի և դիվանագիտության դպրոցը (Թաֆթս համալսարան):

2002-2010թթ. դասավանդել է Հայ-Ռուսական (Սլավոնական) համալսարանում, Հայաստանի Հանրապետության պետական կառավարման ակադեմիայում և Հայաստանի Հանրապետության գիտությունների ազգային ակադեմիայում:

2005-2006թթ. աշխատել է Հայաստանի Հանրապետության գլխավոր դատախազությունում:

2006-2007թթ. աշխատել է Հայաստանի Հանրապետության մարդու իրավունքների պաշտպանի աշխատակազմում, 2010-2011թթ. զբաղվել է մասնավոր փաստաբանական գործունեությամբ:

Ազգային անվտանգության ծառայության նորանշանակ պետը 2011թ-ին նրա հայտարարագրում նրա գույքի, ունեցվածքի մասին որևէ տվյալ չկա Բարձրաստիճան պաշտոնատար անձանց էթիկայի հանձնաժողովում: 2011 թվականի տարեսկզբին, նրա դրամական միջոցները կազմել են 8 միլիոն 700 հազար ՀՀ դրամ, սակայն 2014 թ.-ի հավատարմագրով այն կազմել է 2 միլիոն դրամ: Համաձայն գույքի և եկամուտների վերաբերյալ նրա հայտարարագրի, 2011 թ.-ին նա ունեցել է աշխատանքի վարձատրություն և/կամ դրան հավասարեցված այլ վճարումներ տողի տակ 2 միլիոն 991 հազար 717 ՀՀ դրամ, 2014-ին՝ նրա եկամուտներն ավելացել են՝ դառնալով 5 միլիոն 243 հազար 580 ՀՀ դրամ: Նրան փոխկապակցված անձինք՝ կինը՝ Հասմիկ Բիշարյանը, և ծնողները, ևս որևէ գույքի, ունեցվածքի հայտարագրում բացի եկամուտների չափից չեն իրականացրել: