Գերխնդիր են մնում ընտրական մշակույթի ձևավորումն ու վիճահարույց հարցերը. Մկրտիչ Մինասյան. (տեսանյութ)

Հայաստանն այսօր կանգնած է արտաքին ու ներքին մարտահրավերների առաջ: Տարածաշրջանում Թուրքիան ակտիվացել է և փորձում է գերիշխող դիրք ունենալ: Անդրադարձ մամուլի ակումբում նշեց ՀՀԿ խմբակցության պատգամավոր Մկրտիչ Մինասյանը:

Պատգամավորի կարծիքով` տարածաշրջանի լարվածության ֆոնին դրական մի միտում կա, որ թե Ռուսաստանը, թե ԱՄՆ-ն Սիրիայի քրդերի հարցում նույն մոտեցումն ունեն:

Հարցին, հնարավոր է արդյոք, որ Իրանը փորձի խառնվել հակամարտության խնդրին և ԼՂ կարգավորման խնդիրը դուրս գա Մինսկի խմբի շրջանակներից, Մինասյանն ընդգծեց, որ դա բացառապես Իրանի ցանկությունն է և լավագույն ձևաչափը, որով պետք է կարգավորվի ԼՂՀ խնդիրը Մինսկի խմբի ձևաչափն է:

Ներքին մարտահրավերներին անդրադառնալով` Մինասյանը նշեց, որ Հայաստանն այսօր լուրջ խնդիր ունի ընտրական օրենսգրքի շուրջ աշխատանքներ իրականացնելու, թափանցիկություն ապահովելու և վիճահարույց հարցերը նվազագույնի հասցնելու ուղղությամբ: Ավելին, պետք է ընտրական մշակույթ ձևավորվի:

Մանրամասները` տեսանյութում