Արտառոց դեպք` Վանաձորի դպրոցում

Վանաձորի թիվ 1 դպրոցում արտառոց դեպք է տեղի ունեցել: Newspress.am-ի հավաստի աղբյուրների` նախօրեին 61 տարեկան մի կին անարգել մտել է դպրոց, հետևել զուգարան մտնող աշակետրուհուն և զուգարանում քաշել ականջoղերը: 3-րդ դասարանի աշակերտուհին վախեցել և բարձր գոռացել է: Նրա ձայնը լսելով` անմիջապես զուգարան է մտել մանկավարժներից մեկը: Նա հանել է երեխային այդտեղից, դուռը փակել կնոջ վրա և ոստիկանություն կանչել:

Նկատենք, որ կինը նախկինում դատվել և ազատազրկվել է խարդախության համար: Այժմ էլ օգտվելով իր տարիքից` ձևացրել է, թե տարրական օղակի երեխաներից մեկի տատիկն է և մտել է դպրոց:

Այժմ գործը քնննվում է:

Սակայն հարկ է նկատել, որ այսօր դպրոցների մուտքն ու ելքը խիստ վերահսկվում է, դպրոցների վարչակազմի աշխատակիցների կողմից: Ծնողներին թույլ չեն տալիս մտնել դպրոց և, երեխաների անվտանգությունից ելնելով, նրանց ճանապարհում են հենց մուտքից: Իսկ ցածր դասարանի աշակերտներին վերցնելու համար ծնողները մտնում են ոչ թե դպրոց, այլ սպասում մուտքի մոտ:

Թե ինչպես է այդ կնոջը հաջողվել մտնել դպրոց, փորձեցինք պարզել թիվ 1 դպրոցի տնօրեն Գայանե Հովիվյանից, ով ի դեպ նաև դասախոսում է Վանաձորի Հ.Թումանյանի անվան պետական մանկավարժական համալսարանում:

«Գործը ոստիկանության վարույթում է` նրանցից էլ իմացեք»,- ասաց Հովիվյանը:

Հարցին, թե Ձեր դպրոցում հսկողություն չկա, որ այդ կնոջը հաջողվել է ներս մտնել, տնօրենը պատասխանեց. «դե հաջողվել է, էլի…» ու անջատեց հեռախոսը: