Բնակվարձի հա՞րկ, թե՝ օրենքով գողություն շարքային քաղաքացուց
2023 թվականի դեկտեմբերի 1-ից ուժի մեջ են մտնում անշարժ գույքի վարձակալության հետ կապված ՀՀ հարկային օրենսգրքով սահմանված որոշ դրույթների փոփոխություններ։
Այլ կերպ ասած՝ հարկային դաշտ են բերվելու վարձով տրվող բնակարանները, որի համար բնակարանի սեփականատերը պետությանը հարկ է վճարելու. ստացվում է, որ բնակարանի սեփականատերը, բացի տարեկան գույքահարկից, նաև իր բնակարանի հետ կապված ցանկացած շարժից պետք է հարկ վճարի պետությանը. սկսել են՝ վարձակալությունից և չի բացառվում, որ մոտ ապագայում էլ քաղաքացուց հարկ գանձեն՝ իրենց իսկ տանը քնելու, լոգանք ընդունելու, հաց ուտելու համար. աբսուրդ է չէ՞...
Ստացվում է, որ շարքային քաղաքացու տված հարկերով ապրող իշխանությունը, ՀՀ հարկային օրենսգրքում փոփոխություններ անելիս, խնդրին մոտեցել է միայն մեկ տեսանկյունից՝ վարձակալի, այն է՝ տնվորի, մինչդեռ անտեսելով բնակարանի սեփականատիրոջ իրավունքները:
Ասվածը որպեսզի ավելի պատկերավոր լինի, մի պայմանական օրինակ բերեմ. ենթադրենք, տարիներ շարունակ աշխատել եմ մասնավոր հիմնարկներում, իմ աշխատավարձից գումար տնտեսել , բնակարան գնել, հետո, ինձ նեղություն տալով, տարիների ընթացքում քիչ-քիչ գումար ներդրել այդ բնակարանի նորոգման, կահավորման համար, որպեսզի կյանքիս ինչ- որ փուլում որևէ նպատակի ծառայեցնեմ:
Ակնհայտ է չէ՞, որ բնակարանիս ձեռքբերման, կահավորման, նորոգման փուլերում պետությունը որևէ ներդրում չի ունեցել , որևէ լումա չի նվիրել ինձ՝ տան ձեռքբերման, բարեկարգման, կահավորման համար. ակնհայտ է, չէ՞, որ որևէ կերպ պետությունը մասնկցություն չի ունեցել այդ ամբողջ գործընթացում:
Հիմա հարց՝ իմ քրտինքով ձեռքբերածից ես ինչո՞ւ պետք է պետությանը մասնաբաժին տամ: Ավելին, երբ նույն կառավարությունը պարգևավճարներ է բաժանում, այդ պարգևավճարից ինձ՝ շարքային քաղաքացուս բաժին տալի՞ս է, որ ինձանից բաժին է պահանջում իմ ունեցածի համար:
Սա դեռ մի կողմ, իսկ երբևէ հաշվի առնվե՞լ է այն հանգամանքը, որ բնակարանները հարկային դաշտ բերելու դեպքում, սեփականատերը ստիպված է լինելու կրկին թանկացնել վարձավճարը, որպեսզի պետությանն էլ հարկ վճարի: Իսկ արդյունքում կրկին տուժելու է ո՞վ, իհարկե՝ վարձով ապրող շարքային քաղաքացին…
Ինչ խոսք, գործընթացը ռիսկային կողմեր ունի, չի բացառվում, որ հաջորդիվ նույն պահանջով հարկայինը թակի, օրինակ, մասնավոր գործ անող վարսահարդարի, կար ու ձև անողի, կոշիկ կարողի, թխվածք թխողի, ռեմոնտ անողի, մանրահատակագործի, սալիկապատողի, կանաչի ցանող ու ծախող քաղաքացիների դռները և հարկ պահանջի…
Լրագրող Հերմինե Զեյնալյանի ֆեյսբուքյան էջից
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
