Հայաստանում ամեն տարի 10 կին դառնում է իրենց ներկա կամ նախկին զուգընկերների կամ ընտանիքի այլ անդամների զոհը

Աշխարհում յուրաքանչյուր երրորդ կին իր կյանքում ենթարկվել է հոգեբանական կամ ֆիզիկական բռնության իր ներկա կամ նախկին զուգընկերների կողմից։ Այս մասին ասուլիսի ժամանակ ասաց Կանանց բռնության դեմ կոալիցիայի ներկայացուցիչ Աննա Հովհաննիսյանը։

«Հայաստանում ամեն տարի գրանցվում է 10 կնոջ սպանություն, որոնք դառնում են իրենց ներկա կամ նախկին զուգընկերների կամ ընտանիքի այլ անդամների զոհը»,- ասաց նա։

Նա տեղեկացրեց, որ իրենց կազմակերպությունը տարեկան ստանում է նախնական 4 800 զանգ, որոնք վերաբերում են գենդերային բռնությանը։ 

Ասուլիսի մեկ այլ մասնակից՝ Հայաստանի աշխատանքի և սոցիալական հարցերի նախարարության մարդկանց առքուվաճառքի և կանանց խնդիրների բաժնի ղեկավար Սոֆի Բոստանջյանը, նշեց, որ  2020-ից ամբողջ երկրում գործում են ընտանեկան բռնության զոհերի աջակցության կենտրոններ։

«Տարեցտարի ավելանում է դիմումների թիվը։ Եթե 2020թ. դիմումների թիվը 1 300 էր, ապա այս տարվա 10 ամիսներին՝ 1 600։ Դեպքերի մեծ մասը գրանցվել է Երևանում, երկրորդ տեղում Շիրակի մարզն է, երրորդում՝ Սյունիքի մարզը։ Թվերի աճը կապված է կենտրոնների ակտիվ աշխատանքի հետ»,- ասաց նա։

Ընտանեկան բռնության դեմ պայքարի կոալիցիայի անդամ Անահիտ Գևորգյանը, իր հերթին, տեղեկացրել է այդ կենտրոնների թվի ավելացման պլանների մասին։ «Եթե նախկինում գրանցվում էր ընտանեկան բռնության 10-20 դեպք, ապա այժմ՝ 110-120 դեպք։ Դա նշանակում է, որ ավելանում է դիմումների թիվը»,- ասաց նա։