Ո՞վ է ԶՊՄԿ-ի նոր բաժնետեր Սվետլանա Երշովան

ԶՊՄԿ-ն քիչ առաջ տարածեց հաղորդագրություն ընկերության բաժնետիրական կազմի «փոփոխության» մասին։ Այս մասիան գրում է panorama.am-ը։

Ըստ այդմ,  նախկինում ընկերության իրական շահառու Գլեբ Տրոցենկոն, որ ռուսաստանցի միլիարդատեր Ռոման  Տրոցենկոյի որդին է, այս տարվա հոկտեմբերի 27-ին այլևս չի հանդիսանում իրական շահառու։ Ընկերությունում իր անուղղակի ամբողջ բաժնեմասը նա  օտարել է Սվետլանա Երշովային։

Ավելի վաղ գրել էինք, որ ԱՄՆ պետքարտուղարությունը պատժամիջոց է սահմանել Գլեբ Տրոցենկոյի նկատմամբ։

Ակնհայտ է, բաժնետիրական կազմի  փոփոխության նպատակը պատժամիջոցներից  խուսափելն  ու բիզնեսը փրկելու փորձ է։

Ըստ փորձագետների ու ԶԼՄ-ների, Գլեբ Տրոցենկոյի  սև ցուցակում հայտնվելը նշանակում է, որ գործարանն առնվազը չի կարողանա խտանյութը վաճառել արտարժույթով, ինչպես նաև չի կարողանա տարադրամով վարկային միջոցներ ստանալ։ Հիշեցնենք, որ կոմբինատն առանց այդ էլ չի կատարում Հայաստանի կառավարության հանդեպ ստանձնած պարտավորությունները։

 Սակայն ուշագրավ է, որ պատժամիջոցների տակ գտնվող Գլեբ Տրոցենկոյին փոխարինում են Սվետլանա Երշովայով, որը հնարավոր է վաղը հայտնի պատժամիջոցների տակ։

Համացանցում մի փոքր որոնման արդյունքում էլ ակնհայտ է  դառնում, որ Սվետլանա Երշովան  մշտապես եղել է Տրոցենկոների կորպորացիաներում՝ զբաղեցնելով ղեկավար պաշտոններ։

Օրինակ, Սվետլանա Երշովան  AEON կորպորացիայի  փոխնախագահն է։ Կորպորացիայի սեփակնատերը Ռոման Տրոցենկոն է։

Երշովան նաև Տրոցենկոյի անվան հետ կապվող «Պրոֆի» ընկերության 99.01 տոկոսի բաժնետերն է, որը շահագործում էր Ուլան Ուդեի օդանավակայանը։

Հետաքրքիր է՝ նման քայլերով ո՞ւմ է ցանկանում խաբել ԶՊՄԿ-ն՝ Հայաստանի կառավարությա՞նը, թե՞ Պետքարտութղարությանը։ Մի բան ակնհայտ է, ունքը սարքելու փոխարեն աչքն են հանելու, քանի որ սա արդեն գնահատվում է պատժամիջոցների շրջանցման փորձ։