Արտակ Շաբոյանը բենզինի գնի վերաբերյալ հարցերին պատասխան չունի

Կառավարության վերջին նիստերում պարբերաբար քննարկվում է բենզինի գնի հարցը: Նավթի գները նվազում են, սակայն Հայաստանում բենզինի գինը ոչ միայն չի նվազում, այլև տարածաշրջանում ամենաթանկն է:

Որպեսզի ամեն անգամ Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը կարողանա բացատրել, թե ինչու Հայաստանում բենզինի գինը չի նվազում, ինչպես յուրաքանչյուր շատ թե քիչ քաղաքակիրթ երկրում, ստիպված է լինում ամեն անգամ մի բան մոգոնել:

Հիշեցնենք, որ որոշ ժամանակ առաջ Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը ասել էր, որ բենզինը չի էժանանում, քանի որ նավթի մասը բենզինի մեջ շատ քիչ է, կամ տրանսպորտային ծախսերը մեծ են, կամ բենզինը թանկ են բերում:

Այս անգամ Արտակ Շաբոյանն ասել է, որ բենզինի հարկը Հայաստանում բարձր է, այդ է պատճառը, որ գինը չի նվազում:

Իսկ թե ինչու են հենց ՏՄՊՊՀ-ից հետաքրքրվում բենզինի գների մասին, պարզապես այս ոլորտն բարձր կենտրոնացվածության է, այն է` մոնոպոլիզացված է, և այդ է պատճառը, որ ՏՄՊՊՀ-ն բենիզնի ոլորտը պահում է հսկողության տակ: Չնայած այդ հսկողությունը ձևական է, քանի որ բենզինի ներկրումների շուրջ 80 տոկոսը պատկանում է Ֆլեշին և CPS-ին:

Այնպես, որ բենզինի գները չեն նվազելու, քանի որ ոլորտը մոնոպոլ է, ամենօրյա սպառվող ապրանք է բենզինը, այդ է պատճառը, որ բենզինի գինը չի նվազել և չի նվազելու այնքան, մինչև շուկայում որևէ հիմնական խաղացող չլինի:

Գյուղատնտեսության նախարարությունը փորձում է փոքր տնտեսությունները միավորելով խոշորացնել, կոոպերացիաներ ստեղծել, իսկ բենզինի շուկայի ներկրող խոշորներին ՏՄՊՊՀ-ն չի կարողանում բաժանել փոքր ներկրողների, որ հայաստանյան շուկան կարողանա առողջ արձագանքել միջազգային շուկայի տատանումներին և հարցադրումների ժամանակ էլ կարողանա հստակ պատասխանել, ոչ թե «կռուտիտներ» անել: