ԿԳՄՍ նախարարությունից «Գոյ» թատրոնի անդամներին ստիպում ու պահանջում են ստորագրել փոխանցման ակտը և միացման փաստաթուղթը, որը հարցականի տակ թատրոնի գոյությունը․ Սարգիս Արզումանյան (տեսանյութ)

ԿԳՄՍ նախարարությունից մեզ այսպես ասած ստիպում են կամ պահանջում են ստորագրել փոխանցման ակտը և միացման պայմանագիրը՝ հետին թվով (30․06․2023թ), որը հարցականի տակ կդինի մեր թատրոնի հետագա գոյությունը։

 ֆեյսբուքյան ուղիղ եթերով հայտնում է Գոյ թատրոնի տնօրենի պարտականությունները կատարող և ներկայացուցիչ Սարգիս Արզումանյանը։

Հիշեցնենք, որ ՀՀ կրթության, գիտության, մշակույթի և սպորտի նախարարության որոշմամբ՝ «Գոյ» թատրոնի վարչական հատվածը նախատեսվում է կրճատել, իսկ թատրոնի ստեղծագործական կազմը՝ «Գոյ» թատերախումբը, կշարունակի գործունեություն ծավալել Գաբրիել Սունդուկյանի անվան ազգային ակադեմիական թատրոնի տանիքի ներքո:

Սարգիս Արզումանյանը հիշեցնում է, որ դիմել են դատարան և դեռևս չկա որոշում։

 «Ուստի մեր թատրոնի ստեղծման օրը՝ դեկտեմբերի 8-ի՝ն ժամը 13։00-ին, հոբելյանական 35-ամյակը նշելու փոխարեն առաջարկում եմ բաց քննարկում՝ Գոյ թատրոնում։ Հրավիրում եմ փակման կամ, այսպես ասած, միացման շահագրգիռ կողմերին, Գաբրիել Սունդուկյանի անվան ազգային ակադեմիական թատրոնի տնօրեն Վարդան Մկրտչյանին և ԿԳՄՍ նախարարի տեղակալ Դանիել Դանիելյանին։  Նաև հրավերները կլինեն պաշտոնական», - ասաց նա։