Թաղապետերն իրենց խուժանի պես պահեցին․ պարոն Փամբուխչյան, ակնկալում եմ, որ բորենիներին գնահատական կտաք. ընդդիմադիր

Սիրելի երևանցիներ, ես ներողություն եմ խնդրում այս ամենի համար, որովհետև չեմ կարծում, որ ձեր երազած ավագանին եք տեսնում այստեղ։ Ավագանին պետք է կարողանալ իրեն սաստել։ Այսպես սկսեց իր ելույթը Երևանի ավագանու «Մայր Հայաստան» խմբակցության ընդդիմադիր անդամ Մեսրոպ Մանուկյանը՝ անդրադառնալով Երևանի քաղաքապետարանում տեղի ունեցած երեկվա միջադեպին։

ՔՊ անդամ Արմեն Փամբուխչյանին դիմելով` նա շնորհակալություն հայտնեց, որ վերջինս քննադատել է միջադեպը, սակայն նշեց, որ այնքան էլ տեղյակ չի եղել, թե ինչ է կատարվել իրականում։

«Պարոն Փամբուխչյան, քննադատելու ժամանակ, երբ ասում եք, որ վիճաբանությունը 2 ընդդիմադիր խմբակցությունների անդամների միջև էր, ուզում եմ հավատալ, որ չեք տեսել տեսանյութն ու ներելի եմ համարում, որ չեք նշել վարչական ղեկավարների մասին։ Ձեր թաղապետերի  խուժան պահվածքի ականատեսը Դուք եք եղել ամբողջությամբ ու Ձեր կողմից ակնկալում եմ գանատական, քանի որ առաջին գանահատականը ևս Դուք եք տվել»,- ասաց Մանուկյանը։

Նա նաև նշեց, որ թաղապետերը ցույց տվեցին, որ թքած ունեն երևանցու ու երևանցու շահերի վրա և առաջարկեց ստեղծել էթիկայի հանձնաժողով։

«Պարոն Փամբուխչյան, ակնկալում եմ, որ բորենիներին գնահատական կտաք: Եթե ինչ-որ մեկը մտածում է, որ Մանուկյան Մեսրոպը կարա լռի, ինքը սխալվել է: Իմ քայլերը լինելու են հետևողական և լինելու են իրավական դաշտում»,- ընդգծեց ավագանու ընդդիմադիր անդամը: