Թուրքական բանակը վերջին երկու օրում 12 զոհ է ունեցել

Թուրքական բանակը երկրի հարավ-արևելում քրդական PKK ուժերի հետ բախման ընթացքում 12 զոհ է ունեցել, ինչի մասին տեղեկացնում է oxu.az կայքը:

Փետրվարի 10-ին Դիարբեքիր քաղաքի Սուր թաղամասում վիրավորված 3 զինվորները այսօր մահացել են:

Փետրվարի 1-ին վիրավորված 2 զինծառայող երեկ են մահացել: Ջիզրեի շրջանում տեղի ունեցած բախումների հետևանքով երեկ 2 զինվոր ևս զոհվել է:

Շըրնաքի շրջանում պաշտոնյաների մեքենայի պայթյունից 2 հոգի է զոհվել: Երեկ նույն շրջանում ոստիկանության ուժերի վրա բացված կրակի արդյունքում 1 ոստիկան է զոհվել:

Սիրիական սահմանն անցնող PKK զինյալներին կանգնեցնելու գործողությունների ժամանակ 1-ը նույնպես զոհվել է: Երեկ Դիարբեքիրում բանակի կատարած գործողությունների ժամանակ 1 զինվոր ևս զոհվել է: