«Պատերազմը ստիպեց վերանայել մոտեցումները»․ Մինասյանը առաջարկում է փաստահավաք հանձնաժողով ունենալ
Արդարադատության նախարար Գրիգոր Մինասյանը ելույթով է հանդես եկել Փաստահավաք հանձնաժողովի ձևավորման օրենսդրական նախաձեռնության վերաբերյալ հանրային քննարկմանը, որին մասնակցել են մի շարք ՀԿ-ներ:
Նախարարը նշել է, որ անկախացումից ի վեր Հայաստանի Հանրապետությունում պարբերաբար տեղի են ունեցել մարդու իրավունքների զանգվածային խախտումներ՝ զուգակցված երկրում համակարգային և քաղաքական կոռուպցիայի երևույթների կայուն առկայությամբ, ինչն ընդգծվել է մի շարք ազգային և միջազգային զեկույցներում և բազմիցս բարձրաձայնվել ու բարձրաձայնվում է հասարակական-քաղաքական շրջանակներում:
Արդարադատության նախարարն ընդգծել է, որ 2018 թվականին ՀՀ-ում տեղի ունեցած քաղաքական փոփոխությունները հող ստեղծեցին, որ նման խախտումների վերհանման, հանրայնացման, անցյալին գնահատական տալու և ինստիտուցիոնալ բարեփոխումներ կատարելու օժանդակ մեխանիզմներ ներդրվեն` որպես անցումային արդարադատության գործիքներ:
Ըստ այդմ էլ, թե՛ նախորդ Դատաիրավական բարեփոխումների ռազմավարությամբ և թե՛ նոր 2022-2026թթ. ռազմավարությամբ ամրագրվել է անցումային արդարադատության գործիքներ կիրառելու անհրաժեշտությունը: Մասնավորապես ամրագրվել է, որ Հայաստանում տեղի ունեցած մարդու իրավունքների զանգվածային և պարբերաբար կատարված խախտումների դեպքերը և դրանց պատճառները վերհանելու, խախտված իրավունքները վերականգնելուն և պաշտպանելուն ուղղված առաջարկներ ներկայացնելու համար պետք է ձևավորվի փաստահավաք կառույց:
Նախարարի խոսքով, 2020թ. հետո տեղի ունեցած իրադարձություններն՝ արտակարգ դրությունը, պատերազմը, նոր ընտրությունները, սահմանային ոտնձգությունները և նոր հասարակական-քաղաքական իրողություններն ստիպել են վերանայել որոշ մոտեցումներ: Տարբեր քննարկումներից հետո որոշվել է՝ այդ կառույցն ստեղծել Հանրային խորհրդի ներքո։
Արդյունքում Հանրային խորհուրդը ձեռք կբերի հեղինակություն, ինչպես նաև փաստահավաք հանձնաժողովն ի վերջո հնարավոր կլինի ստեղծել առանց հսկայական ռեսուրսների: Իր ելույթն ամփոփելով՝ Գրիգոր Մինասյանը նշել է, որ առանց քաղաքացիական հասարակության ակտիվ աջակցության և մասնակցության Փաստահավաք հանձնաժողովի ձևավորումը և գործունեությունը անհնար կլինեն, և ըստ այդմ անհրաժեշտ է բովանդակալից քննարկում՝ կոնսեսուսային լուծումներ գտնելու համար։
Հանդիպման շրջանակներում ՀԿ ներկայացուցիչների և նախարարության միջև տեղի է ունեցել հարց ու պատասխան։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
