ԱՄՆ-ի նման միակողմանի մոտեցումը կարող է հանգեցնել միջնորդական դերի կորստի. Ադրբեջանի ԱԳՆ-ն ԱՄՆ-ին սպառնացել է` իր երկիր չի ընդունի ամերիկացի պաշտոնյաներին, Վաշինգտոնում Հայաստանի հետ չի բանակցի

Բաքուն նպատակահարմար չի համարում ԱՄՆ բարձր մակարդակի այցերի հնարավորությունը Ադրբեջան։ Այս մասին ասվում է Ադրբեջանի ԱԳՆ մեկնաբանության մեջ՝ կապված ԱՄՆ պետքարտուղարի օգնական Ջեյմս Օ'Բրայենի «անհիմն, միակողմանի և կողմնակալ հայտարարությունների հետ, որոնք ։ ներկայացուցիչները արտահայտել են նոյեմբերի 15-ին Պալատի արտաքին հարաբերությունների հանձնաժողովի ենթահանձնաժողովի լսումների ժամանակ:

«Ինչ վերաբերում է ամերիկյան կողմից Ադրբեջանի վերաբերյալ ԱՄՆ-ի նախաձեռնած երկկողմ հանդիպումների և բարձր մակարդակի շփումների հետաձգմանը և այն հայտարարությանը, թե «մեր երկկողմ հարաբերությունները նախկինի նման չեն կարող լինել», հարկ է նշել, որ հարաբերությունները չեն կարող լինել միակողմանի։ Նույն մոտեցումը հավասարապես կկիրառվի նաև Ադրբեջանի կողմից։ Նման պայմաններում մենք անննպատակահարմար ենք համարում ԱՄՆ բարձր մակարդակի այցերի հնարավորությունը Ադրբեջան։ 

Ավելին, ԱՄՆ-ի նման միակողմանի մոտեցումը կարող է հանգեցնել միջնորդական դերի կորստի։ Այս պայմաններում կարևոր է նշել, որ մենք հնարավոր չենք համարում 2023 թվականի նոյեմբերի 20-ին Վաշինգտոնում Ադրբեջանի և Հայաստանի արտգործնախարարների մակարդակով հանդիպում անցկացնելը։ 

Միջազգային իրավունքի նորմերն ու սկզբունքները միշտ եղել են առաջնահերթություն Ադրբեջանի արտաքին քաղաքականության մեջ։ Ադրբեջանը միշտ գործելու է իր միջազգային պարտավորություններին համապատասխան. Միևնույն ժամանակ, Ադրբեջանը վճռական և համարժեք կարձագանքի բոլոր բացասական քայլերին, որոնք հակասում են իր ազգային շահերին»,- ասված է Ադրբեջանի ԱԳՆ-ի մեկնաբանության մեջ։