ՀՀ ինքնիշխան տարածքի հանդեպ ուժի կիրառումը բացարձակապես անընդունելի կլինի. կոնգրեսական
ԱՄՆ Կոնգրեսի արտաքին հարաբերությունների հանձնաժողովում ընթացող «Լեռնային Ղարաբաղի ապագան» խորագրով քննարկման բացման ժամանակ ԱՄՆ Կոնգրեսի արտաքին հարաբերությունների հանձնաժողովի՝ Եվրոպայի հարցերով ենթահանձնաժողովի նախագահ Թոմ Քինն ասել է, որ բացարձակապես անընդունելի է համարում Հայաստանի ինքնիշխան տարածքի հանդեպ Ադրբեջանի կողմից ուժի կիրառումը, փոխանցում է 1Lurer.am-ը։
«Սեպտեմբերի 19-ին էթնիկ հայերի դեմ Ադրբեջանի սկսած ռազմական գործողությունների պատճառով 100 հազարից ավելի հայ ապաստան գտավ Հայաստանում: Այդ մարդիկ ունեն միջազգային մարդասիրական աջակցության խիստ կարիք: Չնայած Ադրբեջանը պնդում է, թե կապահովի էթնիկ հայերի իրավունքները, վստահություն այդ հարցում չկա երկու կողմում էլ: Մենք Կոնգրեսում ուշիուշով կհետևենք Ադրբեջանին, որպեսզի երաշխավորենք, որ Ադրբեջանն ամբողջությամբ հարգում է Լեռնային Ղարաբաղի բնակիչների մարդու իրավունքները և հիմնարար ազատությունները:
Մենք պետք է ապահովենք, որպեսզի տևական խաղաղությունը Հայաստանի և Ադրբեջանի ժողովուրդների համար երաշխավորի ավելի լավ կյանք: Պետք է հասկանալ, թե գործող վարչակազմն ինչպես է աշխատում միջազգային հանրության հետ՝ Հայաստանին և Ադրբեջանին բանակցային սեղանի շուրջ վերադարձնելու համար: Այս պահին Լեռնային Ղարաբաղի 100 հազարից ավելի հայ որպես փախստական բնակվում է Հայաստանում: Մենք չենք կարող թույլ տալ, որ տարածաշրջանը ցնցվի ևս մեկ պատերազմից՝ հաշվի առնելով աշխարհում ընթացող հակամարտությունները: Պետք է նաև պարզենք, թե ԱՄՆ ՄԶԳ կառավարիչ Փաուերի հայտարարած ավելի քան 11 միլիոն դոլարի աջակցությունն ինչպես է օգտագործվում:
Ես խորապես հիասթափված եմ, որ Բաքուն դիվանագիտական ճանապարհով հակամարտությունը կարգավորելու փոխարեն ընտրեց տարածաշրջանն ուժով գրավելու ճանապարհը: Դա միայն խորացրել է երկու կողմերի միջև անվստահությունը: Կցանկանայի լսել, թե այսօրվա զեկուցողներն ինչպես են նախագահ Ալիևին հասցնում այն ուղերձը, որ Հայաստանի ինքնիշխան տարածքի հանդեպ ուժի կիրառումը, ներառյալ՝ Սյունիքի մարզը, բացարձակապես անընդունելի կլինի: Ես ցանկանում եմ տեսնել խաղաղ տարածաշրջան, որը զերծ է Ռուսաստանի և Իրանի ազդեցությունից»,- ասել է կոնգրեսականը:
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ուկրաինան անօդաչուներով հարվածներ է հասցնում Սոչիին. կան վիրավորներ
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
