«Դա կլինի ոչ թե սրճարան, այլ գրախանութ, որտեղ նաև կոֆե կտան»․ Վովա Գասպարյանի որդու «բիզնեսը» բնակիչների համար անհարմարություններ է ստեղծել (տեսանյութ, լուսանկարներ)
Թումանյան 35Ա շենքի բնակիչները NEWSPRESS.am-ին ահազանգում են՝ շենքի հարակից շինարարությունը ոչ միայն իրենց անհանգստություն է պատճառում, այլև այդ շինաշխատանքների պատճառով վնասվել է շենքը սնուցող հոսանքի լարն, ու ամբողջ շենքը հոսանքազրկվել է։
Բնակիչները մեզ հետ զրույցում տեղեկացրին, որ այս ամենի հեղինակը նախկին ոստիկանապետ Վլադիմիր Գասպարյանի որդին՝ կրտսեր Վլադիմիրն է, ով որոշել է տարածքում սրճարան բացել ու ավտոտնակների վրա ինչ-որ շինարարություն անել։ Սկզբի համար կրտսեր Գասպարյան Վովան որոշել էր ջրագիծ ու կոյուղագիծ տանել դեպի իր ապագա սրճարան։ Թույլտվություն ստանալով Երևանի քաղաքապետարանից` վերջինս սկսել է խողովակաշարի անցկացման համար մեծ խորությամբ փոսեր փորել։
Մեզ հետ զրույցում շինաշխատանքները ղեկավարողներից մեկը բացատրեց, թե ինչու է շենքը հոսանքազրկվել։ Պարզվում է, որ Երևանի քաղաքապետարանի տրամադրած նախագծում հոսանքի մալուխների մասին ոչինչ չի եղել, ու աշխատողները չեն իմացել, որ այդ տարածքում հոսանքի գիծ կա։
«Դեռ լավ է՝ ուշադիր էինք ու գազի խողովակը տեսանք, որը դարձյալ չկա նախագծում։ Պատկերացնո՞ւմ եք՝ ինչ կլիներ, եթե վնասեինք»,- ասաց նա ու ցույց տվեց նախագիծը։
Բնակիչները, սակայն, շատ էին վրդովված։ Նրանց անհանգստացնում է ոչ միայն այն, որ քանդել են ամբողջ տարածքը, թուլացրել իրենց շենքի հիմքն ու հոսանքազրկել շենքը, այլև այն, որ տարածքում՝ շենքին կից, լինելու է սրճարան։
«Էստեղ սրճարան են սարքելու, բարձր երաժշտություն միացնեն ու անհանգստացնեն մեզ։ Էլ չեմ ասում, որ դրա վերևն էլ՝ ավտոտնակների վրա, ուզում են էլի ինչ-որ բան սարքել։ Փոսը կմտնեմ՝ չեմ թողի խողովակն անցկացնեն»,-նկարահանումների ժամանակ ասաց շենքի բնակիչներից մեկը, ով պահանջում էր հետ լցնել հողը փոսի մեջ ու հեռանալ տարածքից։
Երբ բնակիչների պահանջով աշխատանքերը դադարեցվեցին, տարածք եկավ կրտսեր Վովա Գասպարյանը։ Նա վստահեցրեց, որ ավտոտնակների վրա շինարարություն չի պատրաստվում անել։
«Տնակների վրա շինարարությունը ոչ իմաստ ունի, ոչ էլ թույլ կտան»,- NEWSPRESSS.am-ի զրույցում ասաց նա։
Հարցին, թե՝ իսկ ներքևում սրճարան պատրաստվո՞ւմ է բացել, վերջինս ասաց․ «Դա կլինի ոչ թե սրճարան, այլ գրախանութ, որտեղ նաև կոֆե կտան»։
Նա նշեց, որ իր համար հաճելի չէ անհանգստություն պատճառել բնակիչներին, բայց իրեն թույլ չեն տվել ավելի մոտիկ տարածքից կարգավորել ջրահեռացման ու ջրամատակարարման համակարգը։
«Ինձ կներեք անհանգստության համար, բայց թողեք աշխատեն, որ շուտ ավարտեն»,- ասաց նա։
Ի վերջո, բնակիչները որոշեցին թույլ տալ շարունակել շինարարությունը՝ պայմանով, որ նոր շինարարություններ չեն լինելու։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
