Թևան Պողոսյանը այստեղից այնտեղ չի ուզում թռնել, գերի էլ չի ուզում լինել. (տեսանյութ)

«Ես կարծում եմ, որ իշխանությունները պատասխանատվության լղոզման ճանապարհով են գնում, որ ասեն, թե ամեն ինչի պատասխանատուն, մեղավորը միայն իրենք չեն»,-«Անդրադարձ» մամուլի ակումբում լրագրողների հետ զրույցում նշեց ԱԺ պատգամավոր Թևան Պողոսյանը՝անդրադառանալով ՀՀԿ- ՀՅԴ համագործակցությանը, կոալիցիոն հեռանկարներին:

Միևնույն ժամանակ նա նշեց, որ Դաշնակցությունը պետք է հասկանա, որ մեկ տարի հետո՝ խորհդարանական ընտրությունների ժամանակ, լինելու է պահանջ, թե ինչ փոխեցին և ինչ արդյունքներ արձանագրեցին, հատկապես եթե կոալիցիաներ տեսել ենք և Դաշնակցությունը դասեր քաղել է:

Լրագրողները Թևան Պողոսյանից հետաքրքրվեցին նաև, թե խորհրդարանական ընտրություններին ինքն ինչ է անելու, ում հետ է գնալու. «դեռ ժամանակ ունեմ այդ հարցի շուրջ մտածելու և հասկանալու, թե կա՞ մի քաղաքական ուժ, որի հետ կցանկանամ շարունակել իմ աշխատանքը, և արդյոք կա՞ մի քաղաքական ուժ, որը կցանկանա, որ ես լինեմ իրենց շարքերում, բայց ես միշտ ունեմ տեղ վերադառնալու, ես այստեղից այնտեղ թռնեմ»,-ասաց նա:

Թևան Պողոսյանը չցանկացավ խոսել այն մասին, թե կրկին Ժառանգության հետ կգնա, թե ոչ, միայն ասաց, որ ինքը չի ուզում գերի լինել:

Մանրամասները ՝ տեսանյութում