Թուրքիան ՌԴ-ի հետ պատերազմի է ձգտում, ԼՂ հարցը դառնալու է ածանցյալ. Արա Պապյան. (տեսանյութ)

«Ռուս-թուրքական հարաբերություններն աստիճանաբար թեւակոխում են ավելի սուր փուլ: Կողմերը փնտրում են լծակներ միմյանց դեմ օգտագործելու համար: 1921 թվականի մարտի 16-ին ռուս-թուրքական եղբայրության ու բարեկամության մասին պայմանագիրը չեղարկելու մասին տարածվող տեղեկություններն այս փուլում ռուսների կողմից թուրքերին ճնշելու միջոց են օգտագործվում»,-«Անդրադարձ» մամուլի ակումբում լրագրողների հետ զրույցում ասաց «Մոդուս վիվենդի» կենտրոնի ղեկավար Արա Պապյանը:

Մարտի 16-ին, երբ լրանա  վերոնշյալ պայմանագրի 95 ամյակը, Պապյանի դիտարկմամբ՝ հենց այդ ժամանակահատվածում հարցն ավելի մեծ հնչեղություն կստանա, կարևոր է նաև այն, թե կողմերը Սիրիայի հարցում ինչ համաձայնության կգան, քանի որ այսօր այդ տարածաշրջանում պատերազմի ձգման հավանականությունը մեծ է:

Արա Պապյանը նաև ասաց, որ ուզենք-չուզենք այս ամենի մեջ ներքաշվում ենք, ռուսական ռազմաբազան կա, պայմանագրեր ունենք, ստորագրելուց առաջ պիտի մտածեինք:

«Մեր միակ ելքը մնում է Հայաստան- Նախիջեւան-Իրան երկաթգիծը վերահսկողության տակ վերցնելը, որը հնարավորություն կտա բացվող Իրանի հետ ռեալ հարաբերություններ զարգացնել»,-շեշտեց նա:
Դիվանագետի խոսքով՝ այս զարգացումներում տուժել է ԼՂ խաղաղ կարգավորման գործընթացը, որը դառնալու է ածանցյալ:

Մանրամասները՝ տեսանյութում