Հո միամիտ չե՞մ, որ մտածեմ, պարոն Դոլմազյանը գնա, կգա պարոն ուրիշյանը, և ինքը կլինի ավելի լավ դատավոր․ Աշոտյանը հայտարարեց, որ դատավորի «խաթր» են ինքնաբացարկ հայտնում

«Սիրելի ժողովուրդ, ձեզ հանկարծ չթվա, որ այս բացարկը մենք հայտնում ենք իմ համար։ Այս բացարկը հայտնում ենք դատավորի համար, իր խաթր ենք հայտնում այս բացարկը»: Այս մասին դատարանի դահլիճում հայտարարեց ՀՀԿ փոխնախագահ Արմեն Աշոտյանը։

Նա նշեց՝ շատ լավ գիտակցում է, եթե դատավոր Վահե Դոլմազյանն ինքնաբացարկ հայտնի էլ, ապա այս դատարանում կամ Հայաստանի այլ դատարանում օբյեկտից դատաքննություն որսալու հավանականությունն ավելի ցածր է, քան Մարսում կյանքը գտնելու։

«Ես հո միամիտ չե՞մ, որ մտածեմ, պարոն Դոլմազյանը գնա, կգա պարոն ուրիշյանը, և ինքը կլինի ավելի լավ դատավոր։ Չէ, ես շանս եմ տալիս պարոն Դոլմազյանին ու բոլոր այն մարդկանց, ովքեր առաջին երկու դատերի ժամանակ չդիմացան բազմաթիվ խնդիրների պատճառով։ Ուրեմն այս քայլին դիմում ենք Ձեր խաթր, պարոն Դոլմազյան»,-ասաց Աշոտյանը։

«Դուք Ձեր խաթրի մասին մտածեք»,- արձագանքեց նախագահող դատավորը։

«Մի հատ շունչ քաշեք, գցեք էս գործը Ձեր վրայից։ Էս գործը Ձեր վրով չի։ Մի մտեք
ուրիշի մեղքի տակ։ Եթե տարբեր մարդիկ կարծում են, որ կորցնելու բան չունեն, դա սխալ մոտեցում է»,- ասաց Աշոտյանը։