Ներում-բեկում չի լինելու. Փաշինյանը՝ կոռուպցիայի և գրանցված աշխատատեղերի նոր «ռեկորդ»-ի մասին

Այսօր Կոռուպցիայի դեմ պայքարը ՀՀ-ում նույնքան կարևոր է, որքան 2018–19 թվականներին։ Այս մասին Նիկոլ Փաշինյանը հայտարարեց ԱԺ-ում 2024 թվականի պետական բյուջեի քննարկման ժամանակ։

«Մենք խորապես մտահոգված ենք, որ ՀՀ-ում տարբեր տեղերում հնարավոր է փողով, կաշառքով տարբեր հարցեր լուծել, պետք է պայմանավորվենք, որ այստեղ, ինչպես նախկինում ներում-բեկում չի լինելու, անկախ նրանից, թե դա տեղի կունենա նախկին-ներկա իշխանության կողմից, դա պետք է արժանանա հստակ, ուժեղ օրինական գնահատականի»,- ասաց նա։

Փաշինյանը կարևոր ձեռքբերում է համարում այն, որ պառնալիքների և անվտանգային մարտահրավերների արդյունքում պահպանվել է երկրի մակրոտնտեսական կայունությունը։

«Արդեն երրորդ տարին անընդմեջ Հայաստանը շարունակում է մնալ բարձր տնտեսական միջավայրում։ Մենք այս տարի սպասում ենք 7 տոկոս տնտեսակա աճ, գնաճի միջավայրը կայուն է, առաջին 9 ամսվա արդյունքներով մենք ունենք 2,8 տոկոս տնտեսական գնաճ, և կարևոր է արձանագրել, որ 2023 թվականի սեպտեմբերին արձանագրել ենք ՀՀ-ում գրանցված աշխատատեղերի նոր ռեկորդ»,- ասաց նա։

Ըստ այդմ՝ սեպտեմբերին գրանցվել է 726 հազար 56 աշխատատեղ, որը 2018 թվականի մայիսի համեմատությամբ ավելի է 178 հազար 67-ով։

«Մակրոտնտեսական կայունությունը մեր բոլոր մարտահրավերները, սպառնալիքները կառավարելու, ինչպես նաև հնարավորությունները օգտագործելու կարևոր գործիք է։ Պետք է արձանագրել, որ ի հեճուկս բոլոր սպառնալիքների, մեզ հաջողվել է ապահովել այդ կայունությունը, այդ թվում՝ ՀՀ-ում կոռուպցիայի դեմ սկզբունքային և հասցեագրված պայքար տանելու շնորհից։ Որևէ ցնցոմ չի կարող մեր հակակոռուպցիոն պայքարը որևէ կերպ թուլացնել, սա ազգային անվտանգության, պետության շահերի հարց է»,- ասաց Փաշինյանը։