Վրաստանն ու Ադրբեջանը քննարկել են նոր նավահանգստային ենթակառուցվածքի ստեղծման հարցը

Վրաստանի հետ համագործակցության օրակարգում է նոր նավահանգստային ենթակառուցվածքի ստեղծման հարցը։ Անկասկած, «Միջին միջանցք»-ի ներուժը երկաթուղու հետ մեկտեղ սերտորեն կապված է նավահանգիստների փոխադրման կարողությունների հետ։ Այս տեսանկյունից Բաքվի միջազգային ծովային առևտրային նավահանգիստը, որը Կասպից ծովի ամենամեծ առևտրային նավահանգիստներից է, կարևոր օղակ է նշված միջազգային տրանսպորտային միջանցքներում։ Ինչպես հաղորդում է APA-ի վրացական բյուրոն, այս մասին Թբիլիսիի «Մետաքսի ճանապարհի» միջազգային ֆորումի բացման արարողության ժամանակ ասել է Ադրբեջանի վարչապետ Ալի Ասադովը։

Նրա խոսքով՝ այժմ ակտիվ աշխատանքներ են տարվում նավահանգստի բեռնափոխադրման հզորությունը տարեկան 15 մլն տոննայից հասցնելով 25 մլն տոննայի։

«Վրացական Փոթի և Բաթումի նավահանգիստները նույնպես «Միջին միջանցք»-ի կարևոր տարրեր են: Միաժամանակ «Միջին միջանցք»-ի  զարգացմանը կնպաստի նաև Վրաստանի Սև ծովի ափին գտնվող Կուլևի նավահանգստի ընդլայնումը։ Մենք աշխատանքներ ենք տանում տրանսպորտի ոլորտում՝ համաձայնեցնելով ինչպես Վրաստանի, այնպես էլ՝ տարածաշրջանի այլ գործընկերների հետ։ Ողջունելի է, որ Վրաստանը նույնպես կարևոր աշխատանք է տանում այս ուղղությամբ՝ արդիականացվում են երկաթուղիները, կառուցվում և ընդլայնվում են նավահանգիստները, զարգանում են ճանապարհային ենթակառուցվածքները»,- ընդգծել է վարչապետը։