Ֆրանսիան զենք է ուղարկում Հայաստան-Ադրբեջան նոր հակամարտության մտավախությունների ֆոնին․ POLITICO

«Ֆրանսիան Հայաստանին վաճառում է ռազմական տեխնիկա, քանի որ աճում են մտավախությունները, որ Ադրբեջանը կարող է Լեռնային Ղարաբաղի հարձակումից հետո հարձակվել նաև հարևան տարածքի՝ Հայաստանի վրա»,- ասվում է Politico-ի հոդվածում.

«Ֆրանսիական զենքի վաճառքի մասին հայտարարությունն արվեց «Ադրբեջանի հաղթանակից» ընդամենը մեկ ամիս անց։ Վտանգն այն է, որ Բաքվի ուժերի ևս մեկ քայլ Հարավային Կովկասում կարող է ավելի լայն հակամարտության տանել, մի տարածաշրջան, որտեղ Թուրքիան, Ռուսաստանը և Իրանը ունեն հիմնական ռազմավարական շահեր: Ֆրանսիան՝ Եվրոպայում ամենամեծ հայկական սփյուռք ունեցող երկիրը, հասկացրել է, որ մտադիր չէ մի կողմ կանգնել»։ 

«Նույնիսկ եթե մենք միևնույն ռազմական և քաղաքական դաշինքների մաս չենք, մենք պատկերացնում ենք այս պաշտպանական հարաբերությունները, որոնք հիմնված են մի պարզ սկզբունքի վրա՝ դուք պետք է կարողանաք պաշտպանել ձեզ և ձեր քաղաքացիական բնակչությանը», - ասել է Ֆրանսիայի Զինված ուժերի նախարար Սեբաստիեն Լեկորնուն․

«Փարիզը Երևանի հետ սկսեց ակտիվացնել պաշտպանական համագործակցությունը դեռ անցյալ տարվա սեպտեմբերին, սակայն Ադրբեջանի հարձակումն արագացրեց ռազմական կապերը խորացնելու Ֆրանսիայի պատրաստակամությունը:

Առաջիկա ամիսներին Ֆրանսիայի կառավարությունը ֆրանսիացի զինվորական կուղարկի։ Նա Հայաստանի գործադիր իշխանության համար պաշտպանական ոլորտում ռազմական պատրաստության հարցերի շուրջ խորհրդատու կլինի։ Ֆրանսիան նաև կպատրաստի հայ զինվորներին և կօգնի փորձարկել Հայաստանի հակաօդային պաշտպանությունը»,- ասել է ֆրանսիական ԶՈՒ նախարարը։