Կինը ոստիկաններին հայտնել է, թե կազինոյի աշխատակիցն իր կամքին հակառակ սեռական հարաբերություն է ունեցել իր հետ

Հոկտեմբերի 20-ին ՀՀ Ներքին գործերի նախարարության ոստիկանության Հարզդանի բաժնում փաստաթղթեր են ձևակերպվել, և դրանք փոխանցվել են Հայաստանի քննչական կոմիտեի Կոտայքի մարզային քննչական վարչություն:

Ինչպես հայտնում է SHAMSHYAN.com-ը, փաստաթղթերը ձևակերպվել են Երևան քաղաքի բնակիչ, 65-ամյա կնոջ հաղորդման հիման վրա:

Վերջինս հայտնել է, որ 2022 թվականի օգոստոսի 14-ին, գիշերը ժամը 01:00-ի սահմաններում Հրազդան քաղաքում գտնվող «Գետափ» հյուրանոցային համալիրում իր ծանոթ, Կոտայքի մարզի բնակիչ, 41-ամյա տղամարդն իր կամքին հակառակ սեռական հարաբերություն է ունեցել իր հետ և այդ ընթացքում միացված է եղել «Ах какая женщина» երգը: 

Կայքի տեղեկություններով, կինը հայտնել է, որ նախկինում չի դիմել ոստիկանություն, քանի որ ցանկացել է այդ ամենը գաղտնիք պահել և այդ միջադեպի մասին իր ծանոթները չիմանան, բայց վերջերս իր հեռախոսին զանգահարել են և միացրել են «Ах какая женщина» երգը: 

Տղամարդն աշխատում է Հայաստանում հայտնի կազինոներից մեկում՝ որպես անվտանգության աշխատակից: