ԵՄ-ն դեղին քարտ ցույց տվեց` իշխանություններից պահանջելով կատարել տնային աշխատանքը. քաղտեխնոլոգ

«ԵՄ-ն դեղին քարտ ցույց տվեց իշխանություններին`զգուշացնելուց հետո կդիմի կոշտ քայլերի»,- newspress.am-ի հետ զրույցում ասաց քաղաքական և ընտրական տեխնոլոգիաների փորձագետ Արմեն Բադալյանը՝ անդրադառնալով Հայաստանում ԵՄ պատվիրակության ղեկավար, դեսպան Պյոտոր Սվիտալսկու ՀՀ իշխանություններին ուղղված նախազգուշացումներին՝ լուրջ վերաբերվել սահմանադրական հանրաքվեի վերաբերյալ ԵԱՀԿ/ԺՀՄԻԳ-ի զեկույցին:

Արմեն Բադալյանի դիտարկմամբ ՝ ԵՄ ներկայացուցիչը պատահական չի շեշտել, որ իշխանությունները տնային աշխատանքը պետք է լավ կատարեն, ընտրական գործընթացները բարելավեն, ինչի համար էլ ԵՄ-ն փող է տալիս:

Արմեն Բադալյանը կարծում է, որ եթե 2017 թ-ին էլ իշխանությունները նույն կերպ շարունակեն ընտրական գործընթացներ իրականացնել, ապա կկանգնեն լուրջ խնդիրների առջև, Հայաստանի բիզնեսմենների, պաշտոնյաների կապիտալը եվրոպական բանկերում են պահվում, միայն հաշիվների սառեցումը և դրանց ծագումնաբանության մասով հետաքննությունը բավարար կլինի լուրջ հարվածի համար:

«Արևմուտքը հասկացնում է, որ չնայած նոր պայմանագիր է պատրաստվում, բայց այն առիթ չէ, որպեսզի շարունակեն աչք փակել»,- մանրամասնեց քաղտեխնոլոգը:

Նա նշեց, որ 2008-ին ԵՄ-ն աչք է փակել՝ ելնելով ասոցացման համաձայնագրի հետ կապված շահերից, հիմա այդպես չի վարվի:
Այն, որ ընտրական օրնսգիրքը իշխանությունը փոփոխում է միանձնյա, Բադալայանի կարծիքով, դեռ չի նշանակում, որ ընտրական գործընթացները զերծ կլինեն ավանդական ընտրակեղծիքներից, խախատումներից, քանի որ առաջին հերթին անհրաժեշտ է , որպեսզի իշխանությունները փոխվեն, հասարակությունն էլ իներտ չլինի: