ԱՄՆ ռազմածովային ուժերի ևս մեկ նավ է մտել Միջերկրական ծով

ԱՄՆ ռազմածովային ուժերի USS Mount Whitney նավը մտել է Միջերկրական ծով: Այս մասին հայտնում է ТАСС-ը՝ հղում անելով ԱՄՆ ռազմածովային ուժերի վեցերորդ նավատորմի մամուլի ծառայությանը։

Մամուլի ծառայության տվյալներով՝ նավը կաջակցի ԱՄՆ գործողություններին Մերձավոր Արևելքում սրման պայմաններում։ Նավը շարժվում է դեպի արևելյան Միջերկրական ծով։

«Blue Ridge դասի USS Mount Whitney նավը մեկնել է Իտալիայի Գաետա քաղաքը 2023 թվականի հոկտեմբերի 18-ին՝ Միջերկրական ծովի արևելյան հատվածում ԱՄՆ գործողություններին աջակցելու համար», - ասվում է մամուլի ծառայության հաղորդագրության մեջ։

Ավելի վաղ թուրքական Yeni Şafak թերթը հայտնել էր, որ Թուրքիայի ռազմածովային ուժերը ծրագրում են զորավարժություններ անցկացնել Արևելյան Միջերկրական ծովում, որտեղ ԱՄՆ-ն ավելի վաղ երկու ռազմանավ էր ուղարկել Պաղեստինի և Իսրայելի միջև հակամարտության հետ կապված։ Հրատարակության տվյալներով՝ զորավարժությունները նախատեսված էին հոկտեմբերի 16-20-ը։ Այլ մանրամասներ չեն հաղորդվում։ Նաև հոկտեմբերի 23-ից 27-ը ծրագրվում են համատեղ զորավարժություններ անցկացնել ինքնահռչակ Հյուսիսային Կիպրոսի Թուրքական Հանրապետության (ՀԿԹՀ) հետ։