Մեկ օրում բացահայտվել է հանցագործության 67 դեպք

Ըստ ոստիկանության օպերատիվ հաղորդագրությունների ամփոփագրերի՝ հոկտեմբերի 18-19-ը Հայաստանի Հանրապետության ՆԳՆ ոստիկանության ստորաբաժանումները բացահայտել են հանցագործության 67 դեպք, որոնցից 5-ը՝ նախկինում կատարված։ Այս մասին տեղեկացնում են ՀՀ ՆԳՆ ոստիկանությունից:

Մասնավորապես, բացահայտվել է թմրամիջոցի հայտնաբերման՝ 15, խարդախության՝ 12, մարմնական վնասվածք պատճառելու՝ 8, անձնական ունեցվածքի գողության` 6, հոգեկան ներգործության՝ 3, ֆիզիկական ներգործության, զենք-զինամթերքի առգրավման և սառը զենքի հայտնաբերման՝ 2-ական, սպանության փորձի, պետական ունեցվածքի գողության, բնակարանային գողության, շորթման, դրամանենգության, գույքը ոչնչացնելու կամ վնասելու, խուլիգանության, պաշտոնատար անձի ծառայողական գործունեությանը միջամտելու, թմրանյութի իրացման, ծառերը, թփերը ապօրինի հատելու, ծնողի կամ այլ մերձավոր ազգականի և երեխայի միջև տեսակցության իրականացումը խոչընդոտելու և ազատությունից ապօրինի զրկելու՝ 1-ական դեպք։
Հայտնաբերվել է 8 հետախուզվող։ Կամավոր ներկայացել է 1 հետախուզվող։

Նախկինում կատարված հանցագործություններից բացահայտվել է անձնական ունեցվածքի գողության՝ 4, սեքսուալ բնույթի բռնի գործողությունների և ավտոմեքենայի գողության՝ 1-ական դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 15 պատահար. 1 մարդ զոհվել է, 23-ը՝ ստացել տարբեր աստիճանի մարմնական վնասվածքներ: