ԵՄ-ն ահազանգում է վարչապետի ղեկավարած հակակոռուպցիոն կառույցին

Հայաստանը կաշառակերության դեմ պայքարում հետ քայլ է արել։ Այս մասին փետրվարի 9-ին լրագրողներին ասել է Հայաստանում ԵՄ պատվիրակության դեսպան Պյոտր Սվիտալսկին։

Նա հիշեցրել է, որ Հայաստանը Transparency International իրավապաշտպան կազմակերպության կոռուպցիայի ընկալման 2015թ. վարկանիշում 1 միավոր է կորցրել՝ 94-րդ հորիզոնականից նիջնելով 95-րդ տեղ։ Բոլորովին վերջերս  Քննչական կոմիտեի հատկապես կարևոր գործերի քննության գկխավոր վարչությունում ԵՄ ծրագրի շրջանակներում հատկացված դրամաշնորհի գումարներից առանձնապես խոշոր չափի գումար յուրացնելու դեպքի առթիվ հարուցվել է քրեական գործ: Newspress.am-ի հարցմանը, թե ինչ ծրագիր է և ինչ չափի գումարներ են յուրացվել, Քննչական կոմիտեից պատասխանել են, որ ելնելով նախաքննության շահերից, այլ տվյալներ հրապարակման ենթակա չեն:

«Ինչ-որ մեկը կորոշի մխիթարվել նրանով, որ Հայաստանում ԵՏՄ երկրների շրջանում կաշառակերության ամենացածր ցուցանիշն է։ Սակայն հարեւան Վրաստանը մտածելու առիթ է տալիս. հանրապետությունը առաջ է գնում եւ այդ նույն վարկանիշում զբաղեցրել է 48-րդ տեղը։ Իհարկե Հայաստանում բարեփոխումները չպետք է լինեն Վրաստանի բարեփոխումների պատճենը։ Սակայն կարելի է սովորել նաեւ այլ նախադեպերից եւ աղբյուրներից, չէ՞ որ Հայաստանի խնդիրները յուրահատուկ չեն»,- նշել է դիվանագետը։