Իսրայելի պաշտպանության բանակը հոկտեմբերի 7-ից սպանել է «ՀԱՄԱՍ»-ի վեց բարձրաստիճան պաշտոնյայի

Իսրայելի պաշտպանության բանակը և երկրի անվտանգության գլխավոր ծառայությունը հոկտեմբերի 7-ից ոչնչացրել են պաղեստինյան արմատական «ՀԱՄԱՍ» շարժման վեց բարձրաստիճան զինյալի։ Այս մասին ասվում է Ցահալ կայքի հաղորդագրության մեջ։

Մասնավորապես, ինչպես նշվում է, Գազայի հատվածում ոչնչացվել է  «ՀԱՄԱՍ»-ի ավագ հրամանատար Մատեզ Էյդը։

Հոկտեմբերի 7-ին  «ՀԱՄԱՍ»-ը մի քանի հազար հրթիռ է արձակել Իսրայելի ուղղությամբ և հայտարարել «Ալ-Աքսա ջրհեղեղ» օպերացիայի մեկնարկի մասին։ Հազարավոր զինյալներ ներխուժեցին Իսրայել՝ խլելով տասնյակ ռազմական տեխնիկա և հարյուրից ավելի պատանդներ։ Այս ֆոնին Իսրայելի վարչապետ Նեթանյահուն հայտարարել է, որ երկիրը գտնվում է պատերազմական իրավիճակում։

Իսրայելի պաշտպանության բանակի պատասխան գործողությունը կոչվում էր «Երկաթե սրեր», որի նպատակներից մեկը  «ՀԱՄԱՍ»-ի ոչնչացումն էր։ Իսրայելի օդուժը հարվածներ է հասցրել Գազայի հատվածում զինյալների հարյուրավոր թիրախների, իսկ Հրեական պետության ազգային անվտանգության խորհուրդը որոշել է դադարեցնել ջրի, սննդի, ապրանքների, էլեկտրաէներգիայի և վառելիքի մատակարարումը անկլավին: Հոկտեմբերի 13-ին Իսրայելը ՄԱԿ-ին հայտարարեց, որ ցամաքային գործողությանն ընդառաջ 1,1 միլիոն պաղեստինցի պետք է տարհանվի Գազայի հարավ: