Լիբանանահայը դիմում է ՀՀ նախագահին` փաստաթղթերի կեղծման հարցով. (տեսանյութ)

«Հարգելի նախագահ Սերժ Սարգսյան խնդրում եմ օգնեք, երեխեքս ինձանից խլվել են»:

«Անդրադարձ» մամուլի ակումբում ՀՀ նախագահին դիմեց լիբանանահայ Ժակ Բաքարեջյանը: Նա լրագրողների հետ զրույցում մանրամասնեց, որ իր կինը` ոստիկանության համակարգի նախկին աշխատակից Նաիրա Մկրտչյանը, առանց ծննդականի բնօրինակի` անչափահաս երեխաների փաստաթղթերը կեղծելու, կեղծ ՀՀ քաղաքացիություն ստանալու ճանապարհով երեխաներին դուրս է բերել Հայաստանից, ով այժմ ՌԴ-ում է:

Ըստ նրա՝ կեղծիքների շղթան գալիս է նոտարից, Անձնագրերի եւ վիզաների վարչությունից (ՕՎԻՐ), ոստիկանությունից: Բաքարեջյանը դիմել է ոստիկանություն, նամակ-դիմում է ներկայացրել նախագահին, ինչպես նաև Հայաստանում Լիբանանի դեսպանատուն, սակայն սայլը դեռևս տեղից չի շարժվում, չնայած նրան, որ անգամ երեխաների ազգանուններն են կեղծվել` Բաքարեջյանի փոխարեն Փեքերջյան:

Լիբանանահայի խոսքով՝ կինը ասել է, թե ամուսինը կորած է, իրավապահներն անգամ այս հարցը չեն ուսումնասիրել.«Ես գտնվել եմ Հայաստանում, ես նույնիսկ ոստիակնություն էի դիմել, ասել էի, որ մտավախություն ունեմ, երեխեքիս չեն թողնում տեսնեմ, կինս հաղորդագրություն էր գրում, շանտաժ անում»,-մանրամասնեց նա:

Դերասան Վիգեն Ստեփանյանն էլ մեզ հետ զրույցում նշեց, որ Ժակ Բաքարեջյանին երկար տարիներ է ճանաչում, նա լավ հայր է, կնոջ արարքներից շոկի մեջ է: Շոկի մեջ նաև նրանից, թե ինչպես է նա կարողացել ակնհայտ կեղծիքներով երեխաներին փախցնել և անգամ այսպիսի հարցերով անհրաժեշտություն կա նախագահին դիմել:

Մանրամասները՝ տեսանյութում