Աթոռների բաժանում չէ․ Ավինյանն ու Փաշինյանը հույս ունեն, որ Երևանի կառավարման նոր մոդելը կարդարացնի իրեն

Երևանի ավագանու «Քաղաքացիական պայմանագիր» և «Հանրապետություն» խմբակցությունների կողմից հուշագրի ստորագրումից հետո կա՞ որոշում, թե ինչպես են բախշվելու փոխքաղաքապետերի պաշտոնները։ Այս հարցը լրագրողներն ուղղեցին քիչ առաջ երդված Տիգրան Ավինյանին:

 

«Պաշտոնների մասին դեռ վաղ է խոսել։ Հայտարարությունը, կարծում եմ, կանենք շուտով, երբ հստակ որոշենք թեկնածուներին։ Պաշտոն ստանձելն այստեղ աթոռների բաժանում չի, շատ կարևոր է, որպեսզի մարդիկ, որոնք պատրաստվում են ստանձնել պատասխանատվությունը, ունենան հարկավոր կարողությունները, լինի դա փոխքաղաքապետ, թաղապետ։ Այդ մարդիկ կրելու են ծանր բեռ»,- ասաց նա։

 

Անդրադառնալով  խմբակցությունների կողմից հուշագրի ստորագրմանը՝ ավելի վաղ Նիկոլ Փաշինյանն իր ելույթում հույս հայտնեց, որ Երևանի կառավարման նոր մոդելը կարդարացնի իրեն։ 

 

«Երևանի ավագանու ընտրությունների արդյունքներով, ըստ էության, Երևանում կառավարման նոր մոդել է փորձարկվելու։ Երևանի կառավարումը գործադիր հատվածում իրականացնելու են երկու ուժեր. ՔՊ–ն և «Հանրապետություն» կուսակցությունը»,- ասաց Փաշինյանը։