Ճգնաժամային փուլից հետո հակված կլինենք աջակցելու միջնաժամկետից երկարաժամկետ հատվածում. Յանեշ Լենարչիչ

«ՀՀ կառավարությունը բարձր է գնահատում այն արագ արձագանքը, որ ԵՄ-ն և նրա անդամ պետությունները ցուցաբերել և շարունակում են ցուցաբերել տեղահանված մեր հայրենակիցների առաջնային կարիքների հասցեագրման ուղղությամբ»,- Ճգնաժամային կառավարման հարցերով ԵՄ հանձնակատար Յանեշ Լենարչիչի  հետ համատեղ ասուլիսում հայտարարեց փոխվարչապետ Տիգրան Խաչատրյանը:

Նա հայտնեց, որ հանձնակատարի հետ քննարկել են բռնագաղթածներին աջակցության նպատակով ԵՄ-ի և Հայաստանի ջանքերը համաձայնեցնելու և  ստացված աջակցությունը բռնի տեղահանվածներին ուղղելու հարցում համագործակցության միասնական հարթակի ձևավորման և այդ ձևաչափով գործողությունների արդյունավետության բարձրացման հարցեր:

«Որպես առաջնային գերակայություն առանձնացրել ենք բռնագաղթած մեր հայրենակիցների կարճաժամկետ, միջնաժամկետ և երկարաժամկետ կարիքների գնահատման կարևորությունը, դա այն հիմքն է, որ պետք է հնարավոր դարձնի բռնի տեղահանվածների  խնդիրենրի արդյունավետ լուծումը և հասանելի հումանիտար աջակցությունն ճիշտ օգտագործելու եղանակով արագացնի մեր հայրենակիցներին բնականոն կյանքի վերադրաձնելու ընթացքը»,-ասաց Խաչատրյանը:

Փոխվարչապետը նաև հայտնեց, որ քննարկումների ժամանակ կողմերը եկալե են այն համաձայնության, որ ԵՄ-ն կշարունակի համակարգված աջակցություն ցուցաբերել բոլոր  անհրաժեշտ ուղղություններով:

«Համոզվածություն ենք հայտնում, որ ԵՄ-ի կողմից ցուցաբերվող աջակցությունը էապես կնպաստի նրան, որ ՀՀ կառավարության  կողմից իրականացվող ծրագրերն առավելագույն արդյունավետությամբ լուծեն բռնի տեղահանված մեր հայրենակիցների առաջնահերթ կարիքները»,-խոսքն ավարտեց Տիգրան Խաչատրյանը:

Յանեշ Լենարչիչն էլ նշեց, թե ԵՄ-ն ակտիվացրել է քաղաքցիական պշտպանության մեխանիզմները:

«Շատ ուրախ եմ որ ԵՄ անդամ երկրները կարողացել են արձագանքել»,- ասաց ԵՄ հանձնակատարը և նշեց, որ բազմաթիվ երկրներ իրենց աջակցությունն են առաջարկել՝ հիգենիայի, պարագաների սննդի և դեղերի մասով:

Նա նաև տեղեկացրեց,  որ հիգենիայի պարագաները և դեղերն արդեն տրամադրվում են հիվանդանոցներին:

Թվարկելով բռնագաղթածներին օգնություն տրամադրելու պատրաստակամություն հայտնած եվրոպական բոլոր երկրների անվանումները՝ Յանեշ Լենարչիչն հավելեց.«Այս ճգնաժամային փուլի հաղթահարումից հետո մենք հակված կլինենք աջակցելու միջնաժամկետից երկարաժամկետ հատվածում: Վերջում վերահաստատում եմ ԵՄ աջակցության պատրաստակամությունը»: