Թող Տարոն Մարգարյանը գա ու տեսնի` ինչ է կատարվում ծայրամասերում. Վարդաշենի բնակիչներ. (տեսանյութ)

«Տան պատերը ամբողջն ավերվել են, ջուրը տանիքից կաթում ա, գնում ենք համատիրություն, ուղարկում են թաղապետարան, ընդեղից իրենց հերթին` համատիրություն, էս շենքերում խնդիրները լիքն են, բայց բնակիչների ձայները անտեսում են»,- newspress.am-ի հետ զրույցում նշեցին Էրեբունի վարչական շրջանի մեջ մտնող Վարդաշեն թաղամասի Գուրգեն Մահարի 127, 127 ա շենքերի բնակիչները:

Նրանք վստահեցնում են` համատիրությանը անհրաժեշտ վարձերը պարտաճանաչ վճարում են, բայց վերջինս իր պարատականությունները չի կատարում:

«Դիմեցինք, որ տանիքը վերանորոգեն, ասում են փող չկա, հերթագրվեք, միչև ամառ սպասեք, էլ վճարումներ չենք անելու: Միչև ամառ ջրի տակ սպասե՞նք»,- սրտնեղեցին բնակիչները: Նրանք արդեն անօգուտ են համարում համատիրություն կամ թաղապետարն դիմելը, ուստի դիմում են Տարոն Մարգարյանին՝ հորդորելով վերահսկել թաղապետարանների աշխատանքները և տեսենել թե ինչ է կատարվում մայրաքաղաքի ծայրամասերում:

Թաղամասի 127ա շենքում էլ ջրագիծն է վնասված, բնակիչների խոսքով՝ շուրջ երեք տարի ջուրը առաջին հարկի տուն է լցվում, ապա խնդրով մտահոգվողներ չկան: 

«Երևան Ջուր» ՓԲԸ-ից պատասխանել են, որ բնակիչները ջրագիծը ապօրինի են բերել:

«Մենք բաժանորդագրվել ենք, կամ, լավ եթե ապօրինի էր, բա վարձերը ի՞նչ էին պարտաճանաչ վերցնում , որ պիտի վերանորգեն, ապօրինի է, վարձը վերձնելուց ապօրինի չէ». հարցադրեցին բնակիչները:

Մանրամասները՝ տեսանյութում