Կրակոցներ` Ձորաղբյուրում. հրազենային վնազվածքներով ու դանակահարված 4 անձ տեղափոխվել է հիվանդանոց

Այսօր՝ հոկտեմբերի 1-ին, հրազենային վնասվածքներով և դանակահարված վիճակում «Սուրբ Գրիգոր Լուսավորիչ» բժշկական կենտրոն են տեղափոխվել 4 քաղաքացի։ Այս մասին հայտնում է shamshyan.com կայքը։

Ժամը 21։30-ի սահմաններում քաղաքացիական ավտոմեքենաներով 4 հոգու բերել են «Սուրբ Գրիգոր Լուսավորիչ» բժշկական կենտրոն։

Քիչ առաջ ֆոտոլրագրողը հայտնեց, որ Ոստիկանության Երևան քաղաքի վարչության քրեական հետախուզության բաժանմունքի ծառայողները օպերատիվ տվյալներով պարզել են, որ դեպքը տեղի է ունեցել Կոտայքի մարզի Ձորաղբյուր գյուղում և տեղեկությունը փոխանցել են Ոստիկանության Կոտայքի մարզային վարչություն եւ Ոստիկանության Կոտայքի բաժին:

Հաջողվել է գտնել հանցագործության վայրը, որը Ձորաղբյուր գյուղի Հատիսի փողոցի 2-րդ փակուղու տներից մեկի բակն է եղել:

Պարզվել է նաեւ, որ վիրավորներն են Ձորաղբյուր գյուղի բնակիչներ` 28-ամյա Ջիվան Մեսրոպյանը, 28-ամյա Միսակ Սահակյանը, 29-ամյա Սահակ Սահակյանը և 27-ամյա Խաչատուր Պետրոսյանը:Սուրբ Գրիգոր Լուսավորիչ ԲԿ-ի բժիշկների շնորհիվ հնարավոր է եղել նրանց կյանքը փրկել, սակայն մի քանի օր պետք է մնան բժիշկների հսկողության տակ:Կոտայքի մարզի ոստիկաններն ու քննիչները նշված անձանց հրազենային վնասվածքներ պատճառելու մեջ որոնում են Ձորաղբյուր գյուղի բնակիչ 28-ամյա Թեմուր Երեմյանին:Դեպքի փաստով Աբովյանի քննչական բաժնում նախաձեռնվել է քրեական վարույթ:Ոստիկանությունը ձեռնարկում է անհրաժեշտ միջոցառումներ Թ. Երեմյանին և հանցագործության գործիք հրազենը հայտնաբերելու ուղղությամբ:Գ. Շամշյանի տեղեկություններով` վիրավորներից Մ. և Ս. Սահակյանները հարազատ եղբայրներ են, վիճաբանությունն էլ տեղի է ունեցել կենցաղային հարցերի շուրջ:

Մանրամասները՝ սկզբնաղբյուրում։