«Հայաքվե»-ն ընտրատեղամասերում մի շարք խախտումներ է արձանագրել

«Հայաքվե» դիտորդական առաքելությունը ընտրատեղամասերի տեսախցիկներով ուղիղ հեռարձակման և տեղամասերով շրջիկ խմբերի մշտադիտարկման արդյունքում մի շարք խախտումներ է արձանագրել (չշտկված), որոնք ներկայացնում ենք ստորև․

- 1/9 տեղամասում գրանցման էլեկտրոնային սարքերը գտնվում են տեսախցիկից բավականին հեռու և տեսանելի չեն։

- 1/19 տեղամասում քվեարկության խցիկները տեղադրված են պատուհանների դիմաց։ Առկա է ազատ կամքի արտահայտման նկատմամբ վերահսկողության հնարավորություն։ Խախտման արձանագրումից հետո փակվել է պատուհանների ընդամենը կեսը։

- 1/20 տեղամասում գրանցման բոլոր էլեկտրոնային սարքերը դուրս են մնացել հեռարձակվող տեսագրությունից։

- 1/23 տեղամասում քվեարկության խցիկները տեղադրված են պատուհանների դիմաց։ Առկա է ազատ կամքի արտահայտման նկատմամբ վերահսկողության հնարավորություն։

- 2/3 տեղամասում քվեարկության խցիկների հետնամասն ամբողջությամբ բաց է։ Առկա է ազատ կամքի արտահայտման նկատմամբ վերահսկողության հնարավորություն։

- 2/7 տեղամասում գրանցման էլեկտրոնային սարքերի մի մասը դուրս է մնացել հեռարձակվող տեսագրությունից։

- 2/11 տեղամասում գրանցման էլեկտրոնային սարքերի մի մասը դուրս է մնացել հեռարձակվող տեսագրությունից։

- 2/21 տեղամասում գրանցման էլեկտրոնային սարքերի մի մասը դուրս է մնացել հեռարձակվող տեսագրությունից։

- 2/30 տեղամասում գրանցման էլեկտրոնային սարքերի մի մասը դուրս է մնացել հեռարձակվող տեսագրությունից։

- 2/45 տեղամասում գրանցման էլեկտրոնային սարքերի մի մասը դուրս է մնացել հեռարձակվող տեսագրությունից։

- 2/47 տեղամասում քվեարկության խցիկի անմիջապես կողքին առկա է դուռ։ Առկա է ազատ կամքի արտահայտման նկատմամբ վերահսկողության հնարավորություն։

- 2/48 տեղամասում գրանցման գործընթացն ամբողջությամբ դուրս է մնացել հեռարձակման տեսագրությունից։ Չեն երևում քվեատուփը և գրանցման էլեկտրոնային որևէ սարք։

- 4/1 տեղամասում ամբողջ ընտրական տեղամասը տեսախցիկից շատ հեռու է, և հնարավոր չէ ոչինչ տեսնել։

- 4/3 տեղամասում գրանցման էլեկտրոնային սարքերը գրեթե ամբողջությամբ դուրս են մնացել հեռարձակվող տեսագրությունից։

- 4/7 տեղամասում ժամը 19։36-ի դրությամբ հեռարձակումն անջատված է։

- 4/8 տեղամասում գրանցման բոլոր էլեկտրոնային սարքերը դուրս են մնացել հեռարձակվող տեսագրությունից։

- 4/11 տեղամասում տեսախցիկը տեղադրված է այնպիսի դիրքում, որ ամբողջ գործընթացը գրեթե չի երևում։

- 4/18 տեղամասում գրանցման բոլոր էլեկտրոնային սարքերը դուրս են մնացել հեռարձակվող տեսագրությունից։

- 4/20 տեղամասում գրանցման էլեկտրոնային սարքերի մի մասը դուրս է մնացել հեռարձակվող տեսագրությունից։

- 4/21 տեղամասում գրանցման էլեկտրոնային սարքերի մի մասը դուրս է մնացել հեռարձակվող տեսագրությունից։

- 4/22 տեղամասում գրանցման էլեկտրոնային սարքերը գրեթե ամբողջությամբ դուրս են մնացել հեռարձակվող տեսագրությունից։

- 6/50 տեղամասում տեսախցիկի դիտարկման տիրույթում են քվեախցիկները՝ ներսի կողմից, խախտված է գաղտնի քվեարկության իրավունքը։

- 7/3 տեղամասում գրանցման էլեկտրոնային սարքերից մեկը դուրս է մնացել հեռարձակվող տեսագրությունից։ Սարքի երևալու դեպքում կխախտվի անձնական տվյալների գաղտնիությունը։

- 7/5 տեղամասում երևում է գրանցման էլեկտրոնային սարքերի կեսը, որն էլ ուղիղ տեսախցիկի տեսադաշտում է։ Հնարավոր է՝ խախտվի անձնական տվյալների գաղտնիությունը։

- 7/6 տեղամասում երևում է գրանցման էլեկտրոնային սարքերի կեսը, որն էլ ուղիղ տեսախցիկի տեսադաշտում է։ Հնարավոր է՝ խախտվի անձնական տվյալների գաղտնիությունը։

- 7/18 տեղամասում գրանցման բոլոր էլեկտրոնային սարքերը դուրս են մնացել հեռարձակվող տեսագրությունից։

- 7/28 տեղամասում քվեարկության խցիկներից մեկն ընդհանրապես չի երևում հեռարձակվող տեսագրության մեջ։

- 7/51 տեղամասում գրանցման բոլոր էլեկտրոնային սարքերը դուրս են մնացել հեռարձակվող տեսագրությունից։

- 7/59 տեղամասում գրանցման էլեկտրոնային սարքերի մի մասը դուրս է մնացել հեռարձակվող տեսագրությունից։

- 8/1 տեղամասում տեսախցիկի դիտարկման տիրույթում են քվեախցիկները՝ ներսի կողմից, խախտված է գաղտնի քվեարկության իրավունքը, տեսախցիկով չի երևում քվեախցիկներից մեկը։ Նույն տեղամասում ընտրողների ցուցակները փակցված են անհասանելի տեղում։

- 8/3 տեղամասում ընտրողների ցուցակները փակցված են անհասանելի տեղում։

- 8/4 և 8/5 տեղամասերից 50 մետրից պակաս հեռավորության վրա քարոզչական նյութեր են փակցված։

- 8/6, 8/7, 8/8, 8/9, 8/10, 8/12 տեղամասերում ընտրական ցուցակները մատչելի չեն քվեարկության նախորդ օրը իրենց անունը ցուցակում փնտրել փորձող քաղաքացիների համար, դրանք փակ դարպասների հետևում են։