Քաղաքական ուժերից որն է ամենաշատը ծախսել նախընտրական քարոզչության վրա (լուսանկար)

Կենտրոնական ընտրական հանձնաժողովը հրապարակել է սեպտեմբերի 17-ին կայանալիք Երևանի ավագանու հերթական ընտրություններին մասնակցող կուսակցությունների նախընտրական հիմնադրամների ֆինանսական մուտքերի և ելքերի վերաբերյալ տվյալները, որոնք տրամադրել են բանկերը։ Ըստ այդմ՝ սեպտեմբերի 15-ի դրությամբ ՏԻՄ ընտրությունների մասնակից 14 քաղաքական ուժերը միասին նախընտրական քարոզչության համար ծախսել են 526,005,840 դրամ։ Ընդորում՝ ամենաշատ մուտքերն ունեցել է «Քաղաքացիական պայմանագիր» կուսակցությունը՝ 267,247,240 դրամ, և հետևաբար արել ամենաշատը ծախսերը՝ 263,192,519։

Այսպիսով՝ «Քաղաքացիական պայմանագիր» կուսակցության մուտքերը կազմել են 267,247,240 դրամ, ելքերը՝ 263,192,519 դրամ, իսկ մնացորդը՝ 6,054,721։

Երկրորդ տեղում է «Ապրելու երկիր» կուսակցությունը, որի մուտքերը կազմել են 91,093,000 դրամ,  ելքերը՝ 87,926,310, իսկ մնացորդը՝ 3,166,690 դրամ։

Ցուցակի երրորդ տեղում է «Մայր Հայաստան» կուսակցությունների դաշինքը, որի մուտքերը կազմել են 48,609,500 դրամ, ելքերը՝ 41,853,560 դրամ, իսկ մնացորդը՝ 6,755,940 դրամ։

Նախընտրական ծախսերով չորրորդ տեղում է «Հանրապետություն» կուսակցությունը, որն ստացել է 32,672,600 դրամ և գումարը ծախսել է ամբողջությամբ։

Հինգերորդ տեղում է «Ուժը հայրենյաց» կուսակցությունը, որն ստացել է 32,400,000 դրամ, ծախսել է 32,389,600 դրամ, իսկ մնացորդը կազմում է 10,400 դրամ։

Վեցերորդ տեղում է «Լուսավոր Հայաստան» կուսակցությունը, որի մուտքերը կազմել են 13,100,000 դրամ, ելքերը՝ 12,256,858 դրամ, իսկ մնացորդը՝ 843,142 դրամ։

Յոթերորդ հորիզոնականն զբաղեցնում է «Ժողովրդավարական համախմբում» կուսակցությունը։ Այս ուժ մուտքերը կազմել են 11,350,000 դրամ, ծախսերը՝ 11,303,840 դրամ, իսկ մնացորդը՝ 46,160 դրամ։

Ցուցակի ութերորդ տեղում է «Ազգային առաջընթաց» կուսակցությունը, որի մուտքերը կազմել են 10,432,500 դրամ, ելքերը՝ 8,864,144, իսկ մնացորդը կազմել է 1,568,356 դրամ։

Իններոդ տեղում է «Միացյալ Հայաստան» կուսակցությունը, որն ստացել է 6,400,000 դրամ, ծախսել՝ 6,185,820 դրամ, իսկ մնացորդը կազմել է 214,180 դրամ։

Տասներորդ տեղում է «Հանրային ձայն» կուսակցությունը։ Քաղաքական այս ուժն ստացել է 4,821,000 դրամ, ծախսել՝ 4,250,560 դրամ, իսկ մնացորդը կազմել է 570,440 դրամ։

Տասնմեկերորդ տեղում է հայտնվել «Արդար Հայաստան» կուսակցությունը, որի մուտքերը կազմել են՝ 4,610,000 դրամ, ելքերը՝ 4,104,600 դրամ, իսկ մնացորդը՝ 505,400 դրամ։

Տասներկուերորդ հորիզոնականն է զբաղեցնում «Հաղթանակ» կուսակցությունը․ մուտքերը կազմել են 1,020,000 դրամ, ելքերը՝ 998,200 դրամ, մնացորդը՝ 21,800 դրամ։

Տասներեքերորդ տեղում է հայտնվել «Հանուն սոցիալական արդարության» կուսակցությունը, որն ստացել է 250,000 դրամ, ծախսել՝ 230,000 դրամ, մնացորդը կազմել է 20,000 դրամ։

Տասնչորսերորրդ տեղում է Հայաստանի եվրոպական կուսակցությունը, որն ստացել է 0 դրամ։