Լեռնային Ղարաբաղում ստատուս քվոյի պահպանումը մեզ համար միանգամայն անընդունելի է. Յուրի Քիմ
ԱՄՆ պետքարտուղարության Եվրոպայի և Եվրասիայի հարցերով պետքարտուղարի տեղակալի պաշտոնակատար Յուրի Քիմը Սենատի արտաքին հարաբերությունների հանձնաժողովում Արցախում ճգնաժամի գնահատման վերաբերյալ լսումների ժամանակ հայտարարել է, որ վերջին ամիսներին պետքարտուղարությունը ակտիվ ջանքեր է գործադրել Արցախում սաստկացող մարդասիրական իրավիճակին լուծում գտնելու ուղղությամբ, հայտնում է 1lurer.am-ը։
«Մենք խորապես մտահոգված ենք այն համգամանքով, որ Լաչինի միջանցքը շարունակում է փակ մնալ, և ԼՂ ժողովրդի համար դրա մարդասիրական հետևանքներով: Ստատուս քվոյի պահպանումը մեզ համար միանգամայն անընդունելի է: Մենք չենք դադարի աշխատել, մինչև չհասնենք լուծման: Մենք մշտապես հայտարարել ենք, որ այդ միջանցքը պետք է բաց լինի առևտրային, մարդասիրական և մասնավոր տեղաշարժի համար: Այդ ուղերձը մենք բազմիցս հղել ենք Ադրբեջանի ղեկավարությանը տարբեր մակարդակներով՝ ինչպես հարապարակային, այնպես էլ մասնավոր խողովակներով»,- նշել է Քիմը:
Նա ողջունել է Աղդամի ճանապարհով մարդասիրական օգնության տեղափոխումը Արցախ, հավելել՝ դա բավարար չէ: Պաշտոնյան հիշեցրել է՝ Ադրբեջանի նախագահը և Արցախի ներկայացուցիչները համաձայնել են միաժամանակ բացել երկու ճանապարհները, և դա այլևս չի կարելի հետաձգել:
Քիմի խոսքով՝ տարածաշրջանում փոխվստահության բացակայությունը ամենալուրջ խնդիրներից մեկն է: Դրանց լուծումը, ըստ դիվանագետի, երկխոսությունն ու փոխզիջումներն են:
Պետքարտուղարության ներկայացուցիչը հիշեցրել է Էնթոնի Բլինքենի միջնորդությամբ Հայաստանի և Ադրբեջանի միջև կայացած բանակցությունների մասին, հավելել՝ խաղաղության պայմանագրին հասնելը հեշտ չի լինի: Չնայած դրան՝ ԱՄՆ-ը կշարունակի իր ջանքերն արժանապատիվ և տևական խաղաղություն հաստատելու ուղղությամբ: Դրա կարևոր տարրերից է լինելու արցախահայերի իրավունքների և անվտանգության ապահովումը: Քիմը նշել է, որ Ադրբեջանը պարտավոր է միջազգայնորեն ճշտված երաշխիքներ տրամադրել, որ ԼՂ բնակչությունը անվտանգ կապրի իրենց տներում:
«ԱՄՆ-ը կարող է ավելացնել անվտանգության ոլորտում համագործակցությունը տարածաշրջանում, ամրացնել ամեն պետության կարողությունը՝ պաշտպանելու սեփական ինքնիշխանությունն ու անկախությունը»,- ընդգծել է Քիմը:
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
