Ադրբեջանը մեծաքանակ ուժեր է կուտակում․ գործելու համար ընդամենը մի քանի շաբաթ ժամանակ կա․ Մենենդես
Սենատի արտաքին հարաբերությունների հանձնաժողովում Արցախի ճգնաժամի գնահատման վերաբերյալ լսումների ժամանակ հանձնաժողովի նախագահ Բոբ Մենենդեսը, 1lurer.am-ի փոխանցմամբ, մանրամասն ներկայացրել է հումանիտար իրավիճակը պաշարված Արցախում։
«Ամիսներ շարունակ Ադրբեջանն արգելափակում է Հայաստանի համար Լաչինի միջանցքի հասանելիությունը՝ թույլ չտալով մարդասիրական աջակցության մուտքը հայկական այս համայնքին, որը սովի է մատնված»,- նշել է սենատորը:
Անդրադառնալով Լեռնային Ղարաբաղ Աղդամի ճանապարհով ռուսական մեկ բեռնատարով հասցված մարդասիրական օգնությանը՝ Մենենդեսը հիշեցրել է, որ նախկինում օրական 120 բեռնատար է մուտք գործել ԼՂ: Նա Ադրբեջանի գործողությունները որակել է «էթնիկ զտում», նշել՝ Ալիևի նպատակը ղարաբաղցիների հնազանդեցումն է կամ նրանց սովամահ անելը: Սենատի հանձնաժողովի նախագահը մեջբերել է ՄՔԴ-ի նախկին դատախազ Լուիս Մորենո Օկամպոյի այն միտքը, որ սովի մատնումը ցեղասպանության անտեսանելի զենքն է:
Մենենդեսը զգուշացրել է նաև, որ Ադրբեջանը սահմանին մեծաքանակ ուժեր է կուտակում: Նրա խոսքով՝ ժամանակը սուղ է. գործելու համար ընդամենը մի քանի շաբաթ ժամանակ կա:
«Բարձր մակարդակով մեր ուղերձը պետք է միանշանակ լինի. այն է՝ դադարեցնել շրջափակումը, դադարեցնել սպառնալիքները Լեռնային Ղարաբաղի ժողովրդի նկատմամբ, դադարեցնել սպառնալիքները Հայաստանի նկատմամբ, անմիջապես բացել Լաչինի միջանցքը, պահպանել 2020 թ. նոյեմբերի 9-ի Ադրբեջանի ստանձնած պարտավորությունները»,- ասել է սենատորը:
Նա տվյալ իրավիճակում Ռուսաստանին անվանել է «անհուսալի և անկարող գործընկեր, խաղաղության և անվտանգության համար խոչընդոտ»:
Մենենդեսը հավաստիացրել է, որ իր բոլոր լծակներով ջանքեր կգործադրի՝ ստիպելու ԱՄՆ պետքարտուղարությանը գործուն քայլեր ձեռնարկել իրավիճակի հաղթահարման համար:
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
