«Ինչքան ուզում եք ձեր հետույքը պատռեք, պատրաստ եղեք թուրքին պատիվ տալ ձեր աղջիկներին, զավակներին, միևնույնն է՝ թուրքը չի ուզում ձեզ հետ ապրել»․ զոհվածի մայր

44-օրյա պատերազմում զոհված Հայկ Մելիքյանի մայրը՝ Նաիրա Մելիքյանը, համոզված է՝ երկրի խարխլման և իր զավակի զոհվելու համար 30+ տարի մեղավոր են Հայաստանը ղեկավարած բոլոր իշխանությունները։

Ինչ վերաբերում է օրվա իշխանությանը, ապա, նրա խոսքով, Նիկոլը և «Քեմալական պայմանագիրը» աղանդ է․ «Ոչ թե խաղամոլներ կամ թմրամոլներ են, այլ սատանայական աղանդ»,-ասուլիսի ժամանակ ասաց զոհվածի մայրը։

Նա հայտարարեց, թե իշխանություններն անհաղորդ են այն իրականությանը, որն առկա է Հայաստանում:

«Սա մի ոհմակ է, որը այս արհավիրքի, ցավի, ողբերգության կորուստների վրա տրնգի է պարում, սատանայական պար է պարում՝ լիալուսնի շուրջպարի նման»,- հայտարարեց տիկին Մելիքյանը:

Նա ասաց, որ թուրքը չի ուզում հայերի հետ բարեկամություն անել, ինչքան էլ ՀՀ իշխանություններն ուզեն:

«Ինչքան ուզում եք ձեր հետույքը պատռեք, պատրաստ եղեք թուրքին պատիվ տալ ձեր աղջիկներին, զավակներին, միևնույնն է՝ թուրքը չի ուզում ձեզ հետ ապրել»,- ասաց տիկին Նաիրա Մելիքյանը:

Նրա դիտարկմամբ` թուրքը մեր հակատեսակն է և ուզում է մինչև վերջին հայը ոչնչացնել։ Զոհվածի մայրը չի հասկանում, թե այս ենթատեքստում ինչպես կարող է ՀՀ իշխանությունը մտածել բարեկամության մասին։

«Խաղաղություն հանուն ասֆալտի և հանուն թրքացման. ծափահարություն, հայ ժողովուրդ»,- ասաց Նաիրա Մելիքյանը։