Հրապարակվել է ադրբաջանական սահմանապահ զինուժի սննդի օրական չափաբաժինը

Ադրբեջանում նախարարների կաբինետը զինվորներին տրվող սննդի չափաբաժնում փոփոխություններ է կատարել: Տեղեկացնում է azadliq.az կայքը:

«Ադրբեջանի հանրապետության զինված ուժերի, Ադրբեջանի հանրապետության օրինապահ այլ մարմինների, Ադրբեջանի հանրապետության Ներքին Գործերի նախարարության ծառայողների օրական սննդի չափաբաժնի և ծառայություն կատարող կենդանիների սննդի օրական չափաբաժնի մասին օրենքում» փոփոխություններ և լրացումներ են կատարվել:

Մինչև այժմ սահմանային հսկողություն կատարող և մարտական հենակետերում հերթապահող զինվորներին որպես օրական չափաբաժին տրվել է 15 գրամ կարագ, 20 գրամ շաքարավազ, 1 գրամ թեյ, 100 գրամ առաջին տեսակի ալյուրից պատրաստված հաց: Փոփոխություններից հետո մարտական հենակետի զինվորներին հավելյալ տրվելու է 2,5 լիտր ջուր սնունդ պատրաստելու համար: Բացի այդ, ամառային ժամանակահատվածում (ապրիլի 16-ից հոկտեմբերի 14-ը) մեկ զինվորին տրվելու է խմելու համար 2 լիտր ջուր, իսկ ձմեռային ժամանակահատվածում ( հոկտեմբերի 14-ից ապրիլի 16-ը) 1 լիտր ջուր: