Փաշինյանի մարզային այցերը՝ պատուհաս տեղի բնակիչների համար. «Ժողովուրդ»

«Ժողովուրդ» օրաթերթը գրում է.

«Նիկոլ Փաշինյանի մարզային շրջագայություններն իսկական պատուհաս են դառնում տեղի բնակիչների ու մարզային իշխանությունների համար:

Երևանի ավագանու ընտրությունների քարոզարշավի մեկնարկին զուգահեռ՝ Փաշինյանը մարզային ակտիվ «շրջագայություններ» է սկսել Կոտայք, իսկ վերջին կանգառը Շիրակի մարզն էր, ուր այցելել էր սեպտեմբերի 6-ին:
Փաշինյանը եղել էր Գյումրի, Աշոցք և Ախուրյան համայնքներում և այնտեղ միջոցառումների մասնակցել:

«Ժողովուրդ» օրաթերթի տեղեկություններով՝ Փաշինյանի այցի օրը իսկական քաոս է եղել Շիրակում:
Նրան, բացի ծառայողական կորտեժից, ուղեկցել են մարզի ողջ ոստիկանությունը, ինչպես նաև մի ավտոբուս՝ կարմիր բերետավորներով լի:

Համայնքային հիմնական փողոցները այդ օրը փակ են եղել, քաղաքացիները չեն կարողացել մի ամբողջ օր տեղաշարժվել, ինչը տեղացիների դժգոհությունն է առաջացրել:

Ինչպես մեր աղբյուրներն են փոխանցում, Փաշինյանի այցի օրը մարզ են շտապել նաև ՔՊ-ական գյումրեցի պատգամավորներ Կարեն Սարուխանյանը և Դավիթ Առուշանյանը, որոնք ամբողջ օրը Փաշինյանի կողքից չեն հեռացել ու փորձել են ցույց տալ, որ իրենց հայրենի մարզում մեծ հեղինակություն են վայելում:

Ստացվում է՝ Փաշինյանն այցելում է մարզեր՝ տեղի խնդիրներին ծանոթանալու, բայց, հակառակը, ավելի է բարդացնում տեղի բնակիչների առօրյան ու նոր անհարմարություններ ստեղծում նրանց համար»:

Առավել մանրամասն թերթի այսօրվա համարում: