Ադրբեջանի ԱԳՆ-ն մեղադրաներ է հնչեցրել Հայաստանի և Արարատ Միրզոյանի հասցեին

Հայաստանի արտգործնախարար Արարատ Միրզոյանը հուլիսի 27-ին մամուլին տված հարցազրույցում ոչ միայն տարածքային «պահանջներ է ներկայացրել» Ադրբեջանին և մտքեր է հնչեցրել Ադրբեջանի տարածքային ամբողջականության և ինքնիշխանության դեմ, այլև կոպտորեն խեղաթյուրում է բանակցային գործընթացը և ձեռք բերված պայմանավորվածությունները, ինչպես նաև պատմական փաստերը։ Ինչպես հայտնում է APA-ն՝ նման պատասխան ՀՀ ԱԳ նախարար Միրզոյանին է տվել Ադրբեջանի ԱԳՆ-ն։

ԱԳՆ-ն նաև նշում է, որ «հակաադրբեջանական» արշավը, որը հայկական կողմը շարունակում է մինչ օրս՝ «խուսափելով» տարբեր միջազգային հարթակներում տրված խոստումների ու պարտավորությունների պատասխանատվությունից, և իր հռետորաբանությունը՝ «զրոյացնելով» խաղաղության պայմանագրի բանակցությունները և միջազգային միջնորդների ջանքերը, ևս մեկ անգամ ապացուցում է, որ Հայաստանը «շահագրգռված չէ» տարածաշրջանում խաղաղությամբ և կայունությամբ։

Միևնույն ժամանակ, նախարարությունը Միրզոյանին մեղադրում է դասեր չքաղելու մեջ։

«Միրզոյանը «խեղաթյուրում» է նախկին հայ-ադրբեջանական հակամարտության իրական պատճառներն ու էությունը՝ հայտարարելով, որ այն առաջացել է Լեռնային Ղարաբաղի բնակչության իրավունքների և անվտանգության խնդրով, մինչդեռ իրականում հակամարտությունը սկսվել է Հայաստանում ադրբեջանցիների «ճնշումներով», նրանց «սպանություններով», «ադրբեջանական տարածքների օկուպացմամբ, ջարդերով»»։