Գրողների միության պատվո տախտակը համալրվեց նաև Արա Աբրահամյանի անունով. (տեսանյութ)

Գրականությանն աջակցել, նշանակում է աջակցել մեր ժողովրդին ու նրա հոգևոր կրթությանը: Հենց այս գաղափարախոսությունն են որդեգրել Հայաստանի գրողների միությանն օժանդակած այն բարերարները, ում անուններն այսօր` որպես բարեկամի, դրոշմվեց Գրողների միության նախասրահում փակցված պատվո տախտակին: Բարերաների ցուցակը գլխավորում է «Ռուսաստանի հայերի միության» նախագահ Արա Աբրահմյանը, ով Հայաստանում գրականության ասպարեզում եղել է առաջին ամենախոշոր ներդրողը: Նրան հաջորդում են Հրանտ Սիմոնյանն ու Օքրո Օքրոյանը:

Գրողների միության նախագահի խոսքով հովանավորներ շատ կան: Սակայն պատվոտախտակին հայտնվելու նախապատվությունը տրվել է այն մարդկանց, ում ներդրումներն այս ոլոտում անցել են 10 000 դոլարից:

«Ռուսաստանի հայերի միության» փոխնախագահ Վլադիմիր Աղայանն էլ, վստահեցնում է` Արա Աբրահամյանը իր ներդրած գումարները չի հաշվում: Նա երբեք չի նայում` ինչքան է տալիս, կարևորը, որ դրանք նպատակային են և ի շահ ազգի հարատևման: Իսկ գրականությունն ինքնին ազգի հարատևումն է, քանի որ արտացոլում է ժամանակն ու մատուցում այն մատաղ սերնդին:

Արձակագիր, հրապարակախոս Ալիս Հովհաննիսյանն էլ, կարևորելով բարերարների ներդրումը գրողների միությունում, նկատում է, որ դա, իհարկե, ակտիվացնում է գրողին ու նոր շունչ է տալիս նրա աշխատանքին, սակայն այսօր գրողը նաև ճանաչման խնդիր ունի, որի համար կարևոր է ստեղծագործության թարգմանությունը:

Շուրջ 15 տարի արդեն Ռուսասատանի հայերի միությունը Արա Աբրահամյանի գլխավորությամբ Հայաստանում զբաղվում է ոչ միայն գրողների, այլև գիտնականների խնդիրներով` նպաստելով մտավորականության աշխուժացմանն ու նրանց գործունեության բարելավմանը: Եվ ոչ միայն նրանց: Վլադիմիր Աղայանը մատնաշում է նաև կրթական համակարգում կատարած ներդրումները:

Իսկ 2016-ին էլ կանցկացվի «Համազգային միասնությունը` ուժի և զորության աղբյուր է»  մրցանակաբաշխությունը, որտեղ նախատեսվում է ընդգրկել նաև զինվորներին:

«Նույնիսկ Արցախի խնդրի կագավորման հարցը մենք տեսնում ենք համազգային միասնության համատեքստում»,- ասում է Աղայանը:

Մանրամասները` տեսանյութում