«Այդքան կարճատես, կարճամիտ չի կարելի լինել․Արցախը երբեք Ադրբեջան չի եղել, երբեք»․ Սերգեյ Թովմասյանը՝ ՀՀ իշխանություններին (տեսանյութ)

«Մենք Արցախն ենք» խորագրով ակցիայի մասնակիցները Հայաստանում Ֆրանսիայի մշտական ներկայացուցչության աշխատակցին իրենց բանավոր դիմումը ներկայացնելուց հետո երթով շարժվեցին դեպի ԱՄՆ դեսպանատուն:

Ակցիայի մասնակիցների մեջ են նաև մտավորականներ։

Դերասան Սերգեյ Թովմասյանը համոզված է, որ ամեն ինչ այսպես չի կարող մնալ. «Ամեն ինչ լավ է լինելու»,- լրագրողների հետ զրույցում ասաց նա։

Թովմասյանի համար ցավալի է, որ այսօր ողջ հայությունը ոտքի չի կանգնել և պառակտումներ են ամենուր, բայց նաև հավատում է, որ լավ է լինելու։ 

Միևնույն ժամանակ դերասանը հույս չի դնում միջազգային կառույցների վրա։

Սերգեյ Թովմասյանն Արցախում բարեկամներ ունի ու քաջ գիտակցում է՝ ինչ է տեղի ունենում այնտեղ։ Ինչ վերաբերում է Հայաստանի իշխանություններին, ապա նա ցավով է  նկատում է, որ նրանք ընդունել են, որ Արցախը Ադրբեջանի կազմում է։

«Այդքան կարճատես, կարճամիտ չի կարելի լինել։ Արցախը երբեք Ադրբեջան չի եղել, երբեք»,- եզրափակեց դերասանը։