Ինչո՞վ է տարբերվում Արցախի նախագահի պաշտոնը զբաղեցնող Արայիկը Հայաստանի վարչապետի պաշտոնը զբաղեցնող ազգակործանից. Արսեն Ջուլֆալակյան

ԱԺ նախկին պատգամավոր Արսեն Ջուլֆալակյանը գրել է.

«Ինչո՞վ է տարբերվում Արցախի նախագահի պաշտոնը զբաղեցնող Արայիկը Հայաստանի վարչապետի պաշտոնը զբաղեցնող ազգակործանից:

Երկու պատուհասն էլ նույն ծրագրի գլխավոր դերակատարներն են, սինխրոն աշխատում են: Անձնական բարեկեցության համար համաձայնել են պետական դավաճանություն գործել:

Հիմա, երբ ծրագրի ավարտն այնքան մոտ է, ակնկալում եք, որ նրանցից որևէ մեկի մոտ կարող է պայքար, պետական մտածելակերպ, հայրենասիրություն, ազգային շահի գիտակցում արթնանա՞: Որպեսզի այդպիսի բան տեղի ունենա, անձը պետք է նման արժեքների կրող լինի: Պետական դավաճանության համաձայնածը չի կարող կեսից մտափոխվել: «Դահճից գթասրտություն չեն ակնկալում»:

Այնպես որ, ամեն բան օրինաչափ է: Նրանք իրենց հակահայ խմբակներով գերմոտիվացված ճշտորեն կատարում են իրենց ծրագիրը: Իսկ մենք, նույնիսկ այս օրհասական պահին, երբ բոլոր խաղաքարտերն արդեն բաց են, դիմակները՝ պատռված, թշնամին՝ տանը, չենք կարողանում համախմբվել և միասնական պայքար մղել Արցախի և Հայաստանի համար: Առ այսօր մեղադրում ենք բոլոր արտաքին ուժերին (ի դեպ, ըստ ճաշակի՝ առանց որևէ ռացիոնալության…), բայց ոչ երբեք մեզ, որ մինչև հիմա և՛ Երևանում, և՛ Ստեփանակերտում իշխում են հայտնի երկու այլանդակները:

Հ.Գ. Չեք կարող պատմական երկրորդ օրինակ գտնել, երբ պատերազմի ժամանակ՝ աղետից «հինգ պակաս», որևէ երկրի իշխանություն նման վարքագիծ դրսևորեր (խրախճանքային՝ քաթար-միկոնոս-դիսնեյլենդյան),իսկ հանրության լայն շերտերն էլ աջակցեին...

Նույնիսկ կործանվելուց ենք յուրահատուկ»։