Մյուս տարի նույն խնդիրն է լինելու, մինչև ոռոգման սեզոնի սկսվելը ջրամբարներում ջուր պետք է լինի․ Արթուր Խաչատրյան

Ես երեկ էլ ասացի, որ Կառավարությունը սխալ ճանապարհով է գնում․ ջրի կառավարումը սկզբունքորեն սխալ է անում։ Ես հարց ուղղեցի՝ ինչքա՞ն է ջուր բաց թողնվել մինչև ոռոգման սեզոնը։ Պատասխան չստացա, որովհետև, երբ ոռոգման սեզոնն սկսվում է՝ արդեն ջուր չկա։ Այս մասին Ազգային ժողովում այսօր ասաց ԱԺ «Հայաստան» խմբակցության պատգամավոր Արթուր Խաչատրյանը։ 

Նրա խոսքով՝ ակնհայտ է, որ մինչև ոռոգման սեզոնի սկսվելը, ջրամբարներում ջուր պետք է լինի, որ չգան էստեղ քաղաքական, տնտեսական, հումանիտար խղճմտանքի առաջ չկանգնեցնեն, որ եթե ջուր չտանք, բա այդ մարդիկ ինչով են ջրելու։

«Մինչև ոռոգման սեզոնի սկիզբը ջրամբարներում պետք է բավականաչափ ջուր լինի։ Գյուղատնտեսության մեջ ջուր քիչ է օգտագործվում, գները բարձր են։ Բերքը քիչ է լինում։ Մյուս տարի նույն խնդիր է լինելու։ Էլի գալու եք ասեք՝ բա որ ջուր չտանք՝ բերք չի լինի»,-նշեց Խաչատրյանը։