Ռուս զբոսաշրջիկներին արտաքսել են Իսրայելից, վերցրել նրանց անձնագրերը. նրանք քնում են օդանավակայանում (տեսանյութ)

«Մենք ահազանգում ենք, մեզ արտաքսում են Իսրայելից՝ առանց պատճառաբանելու»: Այս մասին ահազանգել է մի քանի ռուս քաղաքացի՝ դիմելով սոցցանցերի օգնությանը։ 

Քաղաքացիներն արդեն մի քանի օր է, ինչ գտնվում են Թել Ավիվի օդանավակայանում՝ առանց թռիչքի հնարավորության: Նրանք պնդում են, որ իրենց անձնագրերը խլել են, և չեն կարողանում իրենց համար սնունդ և ջուր գնել։

Ուղևորներից մեկն նշում է, որ արդեն երկրորդ օրն է, ինչ ապրում է օդանավակայանում։

«Շենքում ահավոր ցուրտ է, և սնունդ ու ջուր կարելի է գնել միայն անձնագրով, որը խլել են մեզնից, և ոչ միայն մեզնից: Մենք չգիտենք ինչ անել»,-ասել է ուղևորներից մեկը:

Աղջկա խոսքով՝ օդանավակայանի աշխատակիցներն անգամ չեն թողնում, որ իրենց ուղեբեռից իրեր վերցնեն՝ ո՛չ ներքնաշոր, ո՛չ հիգիենիկ պարագաներ։ Բոլորը քնում են հատակին, իսկ վերմակները խնդրում են նրանցից, ում հաջողվել է ինչ-որ կերպ թռչել։

Տուժածն ռուս զբոսաշրջիկները չեն ակնկալում, որ որևէ մեկը կփոխհատուցի իրենց կրած վնասը։ Նրանք պարզապես հույս ունեն, որ գոնե կօգնեն իրենց տուն վերադառնալ։