Փաշինյանը Սամվել Ալեքսանյանի շաքարավազի կանտրաբանդայի և նախագահի մասնաբաժնի մասին

«Օդում կախված են մնում Սամվել Ալեքսանյանի կողմից չմուծված միլիոնավոր հարկերի մասին ու դրանք չնչին բարեգործություններով, օրինակ՝ լավաշ բաժանելով քողարկելու լուրերը: Օդից կախված են լուրեր, թե նրա արտադրած շաքարավազի գործարանում մի կանտրաբանդա է գործում»,-ԱԺ-ում կառավարության հետ հարցուպատասխանի ժամանակ հայտարարեց ԱԺ ՀԱԿ խմբակցության պատգամավոր Նիկոլ Փաշինյանը:

Նա ասաց, որ օդից կախված է լուրը, որ շաքարավազը Հայաստան է գալիս ու գործարան է մտնում հումքի անվան տակ եւ իբրեւ այնտեղ արտադրված շաքարավազ դուրս է գալիս և այդ ամենի մասին Սերժ Սարգսյանը տեղյակ է, ավելին իր բաժինն ունի: Պատգամավորը վարչապետին հորդորեց ստուգել օդում կախված լուրերի իսկությունը: Նա նաև հարցերց արդյոք Սերժ Սարգսյանը արգելել է Լֆիկ Սամո ասել Սամվել Ալեքսանյանին:

Կառավարության աշխատակազմի ղեկավար Դավիթ Հարությունյանն էլ արձագանքեց, ասելով որ Փաշինյանը ուզում է հերքել այն լուրերը, թե իշխանության հետ է շաղկապված կեղծ ընդդիմությունը. «մի ասե՛ք , մի արե՛ք, ինձ անձամբ արդեն համոզել եք, ես էլ բոլորին ասում եմ, դուք ընդդիմություն եք»,- հայտարարեց նախարարը:

Փաշինյանն էլ արձագանքեց, թե իշխանությունը ապացուցելու բան ունի հատկապես ելնելով նրանից, որ հենց Սերժ Սարգսյանն է օդում կախված լուրերի մասին խոսել: