Հայաստանը մոտ 13 մլն դոլարի վարկային խորհրդատվություն է ստանալու

Ասիական զարգացման բանկի կողմից 12 միլիոն 960 հազար ԱՄՆ դոլար չափով Հայաստանին տրամադրվող վարկային ռեսուրսը չի կարող վատնվել անարդյունավետ: Այս մասին Ազգային ժողովում հայտարարել է Երևանի փոխքաղաքապետ Կամո Արեյանը:

Պարզվում է` Հայաստանը խորհրդատուների և խոհրդատվությունների կարիք է զգում. ոչ ավել, ոչ պակաս 13 մլն ԱՄՆ դոլարի խորհրդատվություն պետք է ստանա:

Կ. Արեյանը քաղաքապետարանի հնամյա պաշտոնյային վայել կեցվածքով միաժամանակ խորհրդարանականներին համոզել է , որ այս անգամ իրոք խորհրդատվություն տեղի կունենա:

Վարկերի առնչությամբ ԱԺ պատգամավոր Հրանտ Բագրատյանը նշեց, որ վերջին 8 տարում 3 մլրդ 600 մլն դոլար վարկ է վերցվել, իսկ 2007 թվականին հանրապետության ՀՆԱ-ն եղել է 9.7 մլրդ դոլար:

«Եթե էֆեկտիվ օգտագործես, 100 մլն վարկը, ապա 500 մլն-ի ՀՆԱ պիտի լինի»,-ասաց Բագրատյանն ու հարց տվեց, թե ինչ են անում այդքան վարկը, կարծիք հայտնելով, որ վարկերը պարզապես գրպանվում են:

Հիշեցնենք, որ արդեն 2016թ-ին ՀՀ պետական պարտքը հատել է 5 մլրդ դոլարի շեմը, վերջին տարիներին կառավարության միայն վարկեր վերցնելու քաղաքականությունը նախ արդյունավետ չի օգտագործվում, քանի որ, ինչպես ասում է Բագրատյանը` գրպանվում են, նաև ՀՆԱ-ն անշարժ է, որն էլ իր հերթին ապացուցում է, որ վարկերը նպատակային չեն ծախսվում: