Անկախ լինելու համար անհրաժեշտ է ունենալ անկախության ներքին զգացողություն․ ՄԻՊ
Մարդու իրավունքների պաշտպան Անահիտ Մանասյանն այսօր՝ հուլիսի 6-ին, ընդունել է ՀՀ ճանաչողական այց կատարած Միջազգային մարդասիրական իրավունքի և մարդու իրավունքների Ժնևի ակադեմիայի ուսանողներին:
ՄԻՊ գրասենյակի հաղորդմամբ՝ Անահիտ Մանասյանը ներկայացրել է Մարդու իրավունքների պաշտպանի առաքելությունը, աշխատանքի ուղղություններն ու առաջնահերթությունները, իր իրավասությունների շրջանակը։
Հանդիպման ընթացքում Պաշտպանը ներկայացրել է իր անցած մասնագիտական ուղին և փորձառությունը` նշելով, որ իր համար Մարդու իրավունքների պաշտպանի պաշտոնը ոչ թե լոկ աշխատանք է, այլ առաքելություն, որն իրականացվում է ամենօրյա և անընդհատ ռեժիմով, և որ այդ ուղին ընտելով` այլևս պարտավոր ես ծառայել մարդու անքակտելի իրավունքների իրականացման երաշխավորմանը, խթանմանը և պաշտպանությանը:
Հանդիպումը շարունակվել է ուսանողների կողմից մի շարք ոլորտային հարցադրումների ներկայացմամբ, քննարկումներ են ծավալվել մարդու իրավունքների և ազատությունների պաշտպանության ոլորտում առկա արդի մարտահրավերների վերաբերյալ:
Պաշտպանը ուսանողների հետ քննարկել է այնպիսի կարևոր թեմաներ, ինչպիսիք են ՀՀ սահմանային բնակչության իրավունքների խախտումները, Լաչինի միջանցքի արգելափակման հետևանքով առաջացած հումանիտար ճգնաժամի հետևանքները, ինչպես նաև Ադրբեջանում պետական մակարդակով խրախուսվող հայատյաց քաղաքականությունը։
Պաշտպանը նաև անդրադարձել է ամբողջ աշխարհում, ինչպես նաև Հայաստանում առկա անհանդուրժողականությանն ու ատելության խոսքին` նշելով.
«Իրավահավասարության սկզբունքի պահպանումը, ատելության ու անհանդուրժողականության բացառումն իմ աշխատանքի առաջնահերթություններից են։ Այս տեսանկյունից շատ կարևոր է, որ փոփոխվի իրավական կրթության մեթոդաբանությունը, իրականացվեն իրավագիտակցության բարձրացմանը միտված աշխատանքներ»:
Անահիտ Մանասյանն անդրադարձել է նաև Մարդու իրավունքների պաշտպանի անկախության երաշխավորման կարևորությանը` ընդգծելով, որ անկախ լինելու համար առաջին հերթին անհրաժեշտ է ունենալ անկախության ներքին զգացողություն։
Հանդիպման ավարտին Մարդու իրավունքների պաշտպանը շնորհակալություն է հայտնել ուսանողներին հետաքրքիր և բովանդակալից քննարկման համար` ընդգծելով, որ նման ձևաչափով հանդիպումները շատ կարևոր են մարդու իրավունքների պաշտպանության ոլորտում առկա խնդիրները հասցեագրելու և կառուցողական իրավական միտք ու մշակույթ ձևավորելու համար։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Անսպասելի ստուգումնե՞ր, թե՞ տեսախցիկի համար կազմակերպված այցեր
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
Հորդորում եմ խմելու և կենցաղային նպատակներով օգտագործել միայն համայնքի տրամադրած կամ շշալցված ջուրը․...
