Եթե հունիսի 1-ի մեղավորները պատժվեին՝ ՀՀ դրոշն աղբանոցում չէր հայտնվի (լուսանկարներ)

Ֆեյսբուքյան օգտատեր Ալեքս Թովմասյանը լուսանկար է հրապարակել: Գյումրու կենտրոնական հատվածում, քաղաքապետարանին հարակից տարածքում (Հաղթանակի պողոտա և Պուշկինի փողոցների հատվող մասում), աղբամանի մեջ Հայաստանի դրոշ է եղել:

«Սա է մեր այսօրվա իրականությունը։ 

ՀՀ դրոշն աղբամանի մեջ։

Չգիտեմ անողը հայ է, թե չէ։

Անցորդներն ուշադիր նայում էին, թե ինչի համար կանգ առա ու մոտեցա աղբամանին։

Զարմացած նայում էին, թե աղբարկղից ինչ եմ հանում։ Երևի մենակ ես եմ աննորմալ։

Հ.Գ. Դրոշը չնչին վնասվածք ուներ, համարյա նոր է և այն ինձ մոտ է»։

Իրավապաշտպան Կարապետ Պողոսյանն էլ հիշեցրել է 2019 թվականը, երբ Նիկոլ Փաշինյանն աշխատանքից ազատեց մաքսայինի աշխատակցին միայն նրա համար, որ դրոշը հենել էր պատին:

Հիշեցում 1

2019-ին կապիտուլյանտը մի ամբողջ շոու կազմակերպեց մաքսայինում և աշխատանքից ազատեց մեկին, ում աշխատասենյակում դրոշը ոչ պատշաճ էր դրված:

Հիշեցում 2.

Այս տարվա հունիսի 1-ին Գյումրու քաղաքապետարանի մանկապատանեկան կենտրոնը երեխաներին թրքական լաթանման դրոշներ է բաժանել, ու մինչ օրս ոչ մեկը այդ խայտառակության համար պատասխանատվություն չի կրել...

«Գյումրու Պիոներների պալատ»-ի 100-ամյակի կապակցությամբ պատրաստվել են կարմիր դրոշներ, որոնց վրա պատկերված նկարը հիշեցնում է Թուրքիայի դրոշի վրա նկարված լուսինն ու աստղը:

Մի խոսքով, տպավորությունն այնպիսին է, որ Գյումրին գնում է «թրքացման»...

Ակնհայտ է, որ եթե հունիսի 1-ի մեղավորները պատժվեին, ապա այսօր Հայաստանի դրոշը չէր հայտնվի աղբանոցում: